গীতসংহিতা 14:1 - Chakma Bible

¹ যিগুনোর্ মনানি বাজে তারা মনে গরন্দে গোজেন বিলিনে কনজন নেই। তারার্ খাচ্চ্যত্‌তানি বর্‌বাদ ওই যেইয়্যে, তারার্ কামানি জঘন্য; গম্ কাম্ গরন এবাবোত্যে কনঅ মানুচ্ নেই।

গীতসংহিতা 14:1 ပူးပေါင်းရင်းမြစ်များ

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

ইয়োব 22:13

তো তুই কত্তে, গোজেনে কি হবর্‌ পায়? এ আন্ধার ভিদিরে গোজেনে কেধোক্ক্যেন্ গুরিনে বিচের্‌ গরে?

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গীতসংহিতা 107:17

যিগুনোর মনানি বাজে সিগুনে তারার উল্লোমিগানিত্তে আর অন্যেয়ত্তে দুঘ্ পেলাক্।

গীতসংহিতা 53:1

যিগুনোর বিবেক্ মরা তারা মনে গরন্দে গোজেন বিলিনে কনজন নেই। তারার্ খাচ্চ্যত্তানি বর্‌বাদ্ ওই যেইয়্যে, তারার্ কামানি জঘন্য; গম্ কাম গরন্ এধোক্ক্যেন কনজন নেই।

গীতসংহিতা 73:3

মুই দেগিলুং, পাজিগুনে বেশ্ সুগে আগন্, সেনত্তে বেক্ বার্‌বো গুরিয়্যেগুনোরে দেগিনে মর্ ইংসে ওইয়্যে;

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 13:19

মন-আওজ্ পুরেলে রিবেঙানত্ ঈল্ পুদে, মাত্তর্ কান্ড-জ্ঞান নেইয়্যেগুনে ভান্ন্যেয়ানিত্তুন্ দূরোত্ সুরি যেবাত্তে ঘিনেন্।

গম্ উপদেজ্ 27:22

বাজে-বিবেক্ মান্‌‌‌‌জ্যরে যুনিয়ো শোজ্যলোই হামানদিস্তালোই গুড়ি গরা অয়, তো তার ভুলানে তারে ছাড়ি ন-যেবঅ।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিরমিয় 5:12

তারা লগেপ্রভুর পৌইদ্যেনে মিজে কধা কদন্। তারা কদন, “তে কিচ্চু ন-গুরিবো। আমার কনঅ খেতি ন-অবঅ; আমি কনদিন্‌অ যুদ্ধো বা ভাদড়াত্ ন-দেগিবোং।

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।