গীতসংহিতা 137:7 - Chakma Bible

⁷ ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

গীতসংহিতা 137:7 ပူးပေါင်းရင်းမြစ်များ

নহিমিয় 6:14

ও মর্‌ গোজেন, টোবিয় আর সন্‌বল্লটে যিয়েনি গোজ্যন্‌ সিয়েনি তুই মনত্‌ রাগা। মিলে-ভাববাদী নোয়াদিয়া আর বাদবাগি যিদুক্কুন্‌ ভাববাদীয়্যে মরে দোরেবাত্তে চেট্ট্যা গোজ্যন্‌ তারার্‌ কধানিয়ো মনত্‌ রাগেচ্‌।

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যিহিষ্কেল 35:15

ইস্রায়েল জাদে অধিকার ইজেবে যে দেজ্‌‌‌‌‌‌‌চান পেইয়্যে সিয়েন মানুচ্ নেইয়্যে দেগিনে তুই যেবাবোত্যে ফুত্তি গোজ্যস্ সেবাবোত্যেগুরি মুই তঅ লগে বেবহার গুরিম। ও সেয়ীর মুড়োবো, তুই আর ইদোমর বাদবাগি বেক জাগায়ানি মানুচ্ নেইয়্যে অবাক্। সেক্কে মানুচ্চুনে হবর্ পেবাক যে, মুয়ই লগেপ্রভু।”

যিহিষ্কেল 35:2

ও মান্‌‌‌‌‌জ্যর্ পুয়োবো, সেয়ীর মুড়োবো ইন্দি তর্ মুয়োন রাগেইনে তা বিরুদ্ধে এ আগাম্ কধাগান কঅ,

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

১ শমূয়েল 15:2

বেগত্তুন্ খেমতাবলা লগেপ্রভু কত্তে, ‘ইস্রায়েলীয়গুনে মিসর দেজত্তুন্‌ এজানার পদথ্‌ অমালেকীয়গুনে তারার পিজেন্দি থিয়্যেয়োন্‌ বিলি মুই তারারে সাজা দিম।