গীতসংহিতা 137:6 - Chakma Bible

⁶ যুনি মুই তরে ইদোত্ ন-রাগাং, যুনি যিরূশালেমরে মুই বেগত্তুন্ বেশ্ রঙ্গ-ফুত্তির জিনিস বিলিনে মনে ন-গরং, তো মঅ জিলানে যেন মঅ তাগারাত্ বাজে।

গীতসংহিতা 137:6 ပူးပေါင်းရင်းမြစ်များ

ইয়োব 29:10

নেতাগুনোর রঅগুন্ থামেদ, আর তারার জিলানি তাগারাত্ আক্‌‌সো যেদঅ।

ইয়োব 31:22

সালে কানাত্তুন্ মঅ আঢ্‌তান যেনে উজুরি পড়ে, আড় জড়াত্তুন্ যেনে সিয়েন ভাঙি পড়ে,

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

আবিলেচ্ 4:4

দুধো তিরেজে চিগোন্ চিজিগুনোর্ জিলানি তাল্লোত্ বাজি যার্; ঝি-পুয়োগুনে রুটি চাদন্, মাত্তর্ কনজনে সিয়েনি ন-দেদন্।

যিহিষ্কেল 3:26

তুই যেনে জুরো গুরি থাচ্ আর তারারে গেইল্ দি ন-পারচ্ সেনত্তে মুই তঅ জিলান্ তঅ মুয়ো তাল্লোত্ আক্‌সো দিম। ইস্রায়েলীয়গুনে দঅ এক্কো উল্লোমী জাদ্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;