গীতসংহিতা 137:3 - Chakma Bible

³ যিগুনে আমারে বানিনে নেযেয়োন সিদু তারা আমারে গীদ্ গেবাত্তে কদাক্; সে অত্যেচারিগুনে আমাত্তুন্ রঙ্গ-ফুত্তির্ গীদ্ শুনিবাত্তে চেদাক্; তারা কদাক্, “তুমি সিয়োনর এক্কো গীদ্ আমারে শুনো।”

গীতসংহিতা 137:3 ပူးပေါင်းရင်းမြစ်များ

১ বংশধর 15:27

সুন্দুক্‌ বোইয়্যে লেবীয়গুনে, গানগেইয়্যেগুনে আর গান দলর্‌ পরিচালক কননিয় মসীনার পাদল্‌ কাবড় পোজাগকান উজ্যে। দায়ূদেয়ো মসীনার পাদল্‌ কাবড় পোজাগকান আর মসীনার লাম্বা সুলুম্মো উজ্যে।

১ বংশধর 16:7

সেদিন্যে দায়ূদে পত্তমে লগেপ্রভুর নাঙে ভালেদি জানেবার এ গান্নো গেবার্‌ ভারান্‌ আসফ আর তা মানুচ্চুনো উগুরে দিলো:

নহিমিয় 4:2

তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

গীতসংহিতা 65:1

ও গোজেন, সিয়োনত্ অলর্ গুরি তরে নাঙ্ গিনে অর্; আমা বেক্ মানত্‌তানি তঅ নাঙে ছিড়ে অবঅ।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

গীতসংহিতা 80:6

তুই এন্ গোজ্যস যেনে কায়-কুরে জাদ্‌তুনে আমারে নিইনে কোল্-কোজ্যে বাজান্। আমা শত্রুগুনে আমারে নিইনে তারা তারা আজি-তামাজা গরন্।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

গম্ উপদেজ্ 25:20

যিবের মনান্ গম্ নয় তা মুজুঙোত্ যে গান গায় তে এমন্ মান্‌‍জ্য ধোক্ক্যেন যে ঝার্‌‍কালত্ কাবড় হুলি ফেলায় বা সোডা উগুরে সির্কা দে।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

লূকে লেখ্যে গম্ হবর্ 21:6

“তুই দঅ ইয়েনি বেক্কানি দেগর্, মাত্তর্ এমন সময় এবঅ যেক্কে ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”