গীতসংহিতা 137:1 - Chakma Bible

¹ বাবিলো গাঙানি পারত্ বোইনে আমি যেক্কে সিয়োন কধা ইদোত্ তুলিদোং সেক্কে আমার চোগো পানি পড়িদো।

গীতসংহিতা 137:1 ပူးပေါင်းရင်းမြစ်များ

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

ইষ্রা 8:31

পত্তম্ মাজর্ বার দিনোত্ আমি যিরূশালেমত্ যেবাত্তে অহবা ছড়াত্তুন্ যাত্রা গুরিলোং। আমা গোজেনর্ আঢ্ আমা উগুরে এলঅ আর পধত্ শত্রু আর ডাগেদ আঢত্তুন্ আমারে রোক্ষ্যে গুরিলো।

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

যিরমিয় 13:4

“যে কমর্ পিজোনিগান তুই কিনিনে বান্যস্ সিয়েন্দোই ইক্কিনে তুই ইউফ্রেটিস গাঙ ইধু যেইনে পাত্তরর্ কনঅ ফাদাসেরে লুগেই থঅ।”

যিরমিয় 15:17

যিগুনে রঅ ছাড়িনে মদ হান্ মুই কনদিন্‌অ তারা দলত্ ন-বজং, তারা লগে কনদিন্‌অ ফুত্তি ন-গরং; তঅ আঢ্‌তান মঅ উগুরে এলঅ বিলিনে মুই গায়গায় বুয়োই থেদুং আর তুই মরে রাগে ভর্‌‌‌পুনং গোজ্যস্।

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 2:18

তঅ মানুচ্চুনোর মনানি লগেপ্রভু ইধু কানি কানি কোইয়্যেদে, “ও সিয়োন-ঝিবোর্ দেবালান, তর্ চোগো পানিগান দিনে-রেদে গাঙ ধোক্ক্যেন বেঈ যোক্; তর্ নিজোরে শান্তি পেবাত্তে ন-দিচ্, চোগ্‌‌কুনোরেয়ো জিরেবাত্তে ন-দিচ্।

আবিলেচ্ 3:48

মঅ মানুচ্চুনে ভস্ত ওই যাদন্, সেনত্তে মঅ চোগ্‌‌‌কুনোত্তুন্ পানি গঁঙার ধোক্ক্যেন্ বেঈ পড়ের্।

আবিলেচ্ 3:51

মঅ শঅরর্ বেক্ মিলেগুনো পৌইদ্যেনে মুই যিয়েনি দেগঙর্, সিয়েনিলোই মঅ পরাণান কানের্।

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যিহিষ্কেল 3:15

যে বন্দীগুনে কবার গাঙ ইধু তেল-আবীবোত্ এলাক্ মুই তারা ইধু গেলুং। তারা যিয়েনত্ বজত্তি গুরিদাক্ মুই সিয়েনত্ তারা ভিদিরে সাত দিন সং আমক্ ওইনে বুয়োই রলুং।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”