গীতসংহিতা 136:16 - Chakma Bible

¹⁶ যিবে তা মানুচ্চুনোরে ধূল্যেচর-চাগালান্দি নেযেয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 136:16 ပူးပေါင်းရင်းမြစ်များ

নহিমিয় 9:12

তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

যাত্রা 15:22

পরেদি মোশি লোহিত সাগরত্তুন্‌ ইস্রায়েলীয়গুনোরে নেযেল। তারা পত্তমে শূর নাঙে এক্কান ধূল্যেচর চাগালাত্‌ গেলাক্। সেই ধূল্যেচর চাগালাত্‌‌ তিন দিন সং ঘুরি ঘুরি তারা কনজাগাত্‌ পানি ন-পেলাক্।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

দ্বি’লম্বর বিররণ 11:5

তুমি ইদু এইনে ন-লুমোনা সং তে ধূল্যেচর-চাগালাত্‌ তমাত্যে যিয়েনি গোজ্যে সিয়েনি তমা ঝি-পূঅগুনেয়ো ন-দেগন্‌।

দ্বি’লম্বর বিররণ 8:15

তে তমারে এক্কো দাঙর্‌, দর্‌গরেপারা, শুগুনো, পানিনেইয়্যে আর বিষবলা সাপ আর কাঁঙারা-বিজেলোই ভোজ্যে ধূল্যেচর-চাগালার্‌ ভিদিরেন্দি আন্যে। তে দরঅ পাত্তর ভিদিরেত্তুন্‌ তমাত্তে পানি নিগিলেই দিয়্যে।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।