গীতসংহিতা 135:21 - Chakma Bible

²¹ লগেপ্রভু, যিবে যিরূশালেমত্ বজত্তি গরে, তারে বাঈনী গরানা সিয়োনত্তুন্ ধুরি আরাম্ভ ওক্। লগেপ্রভুরে নাঙ্ গিনে ওক্।

গীতসংহিতা 135:21 ပူးပေါင်းရင်းမြစ်များ

১ বংশধর 23:25

দায়ূদে কোইয়্যেদে, “ইস্রায়েলর গোজেন লগেপ্রভু তা মানুচ্চুনোরে সুগ্‌-শান্দি দিয়্যে আর তে জনমত্তে যিরূশালেমত্‌ বজত্তি গুরিবো।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

ইষ্রা 7:16

ইয়েনিবাদে যেদক্কানি সনা-রূবো তুই বাবিলত্তুন্ পেবে আর ইস্রায়েলীয়গুনে আর তারার্ ধর্মগুরুগুনে যিরূশালেমত্ তারার্ গোজেনর্ ঘরত্যে যিয়েনি নিজোর্ আওজে দিবাক্ তুই সিয়েনি বেক্কানি নেযেবে।

গীতসংহিতা 128:5

সিয়োনত্তুন্ লগেপ্রভু তরে বর্ দিবো; জিংকানিবর্ তুই যেন যিরূশালেমর ভালেদি দেগচ্।

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

গীতসংহিতা 48:1

আমা গোজেনর শঅরত্, তার সুদ্ধো-সাংগ মুড়োবোত্, লগেপ্রভু দাঙর্ আর বেগত্তুন বেশ্ নাঙ্ গিনিবার।

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

গীতসংহিতা 48:3

সে শঅরর্ রাজঘরর বিল্ডিঙানত্ গোজেনে নিজোরে ঘর ইজেবে ফগদাঙ্ গোজ্যে।

গীতসংহিতা 48:9

ও গোজেন, তর্ ঘর ভিদিরে তর্ অমকদ কোচ্‌পানার কধাগান আমি ধ্যান গোজ্যেই।

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

গণাণা 23:21

যাকোবরে তে কনঅ অন্যেয় গত্যে ন-দেগে, ইস্রায়েলর্‌ ভাগ্যত্‌ কনঅ দুখ্‌ ন রাগায়। তারার্‌ গোজেন লগেপ্রভু তারা সমারে আঘে, আর তারার্‌ রাজার্‌ জয়র্ কধানি তারা ভিদিরে আঘে।