গীতসংহিতা 135:12 - Chakma Bible

¹² তে তারার দেশ্‌চান তা মানুচ্ ইস্রায়েলীয়গুনোরে অধিকার ইজেবে দান গুরিলো।

গীতসংহিতা 135:12 ပူးပေါင်းရင်းမြစ်များ

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 12:7

লেবানন কিজিঙোর্‌ বাল্‌গাদত্তুন সেয়ীর মুড়োবোন্দি উদি যেইয়্যে হালক মুড়োবো সং যর্দন গাঙর্‌ পোজিমেন্দি চাগালার্‌ রাজাগুনোরে যিহোশূয় আর ইস্রায়েলীয়গুনে ওদেই দুয়োন্‌। তারার জাগায়ানি যিহোশূয় সোম্বোত্তি ইজেবে ইস্রায়েলীয়গুনোর নানান্‌ গুট্টি মজিম্ ভাগ গুরি দিলো।