গীতসংহিতা 132:17 - Chakma Bible

¹⁷ মুই সিদু দায়ূদোত্তে এক্কো খেমতাবলা বংশ তুলি দিম; মর্ অভিষেগ্ গোজ্যে মানুচ্চুনোত্তে মুই এক্কো চেরাগ্ জ্বালেবার সুদোম্ গোজ্যং।

গীতসংহিতা 132:17 ပူးပေါင်းရင်းမြစ်များ

১ রাজাবলী 11:36

মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।

১ রাজাবলী 15:4

তো দায়ূদো কধানি মনত্‌ ন-পড়িনে তা গোজেন্‌ লগেপ্রভু তারে যিরূশালেমত্‌ ইক্কো মানেক্‌ দিলো, অত্তাৎ তার সিংহাসনত্‌ বুজিবাত্তে তারে ইক্কো পূঅ দিলো আর যিরূশালেমানরে ভস্ত অনার্ আঢত্তুন্‌ রোক্ষ্যে গুরিলো,

২ রাজাবলী 8:19

তো লগেপ্রভু নিজোর্‌ চাগর্‌ দায়ূদো কধানি মনত্‌ গুরিনে যিহূদারে ভস্ত গুরিবাত্তে ন-চেলঅ, কিত্তে তে দায়ূদ আর তা বংশধরুনোরে জিংকানিবর্‌ এক্কো চেরাগ দিবো বিলিনে শমক্‌ খেইয়্যে।

২ বংশধর 21:7

তো লগেপ্রভু দায়ূদোত্তে যে সুদোমান্‌ থিদেবর্ গোজ্যে সেনত্তে তা বংশবোরে তে ভস্ত গুরিবাত্তে ন-চেলঅ। তে দায়ূদ আর তার্‌ বংশধরুনোরে উমরত্তে এক্কো চেরাগ্‌ দিবো বিলিনে এগেম্ গোজ্যে।

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

গীতসংহিতা 89:25

মুই সাগর উগুরে আর গাঙ উগুরে তারে খেমতা দিম।

গীতসংহিতা 92:10

ঝাড় গোরুর অজল্ শিং ধোক্ক্যেন্ তুই মর্ মাঢাবো অজলত্ তুল্যচ্; হুজিয়ে মঅ উগুরে নুয়ো তেল ঢালি দিয়্যে ওইয়্যে।

যিহিষ্কেল 29:21

“সেদিন্যে মুই ইস্রায়েল জাদরে খেমতাবলা গুরিম আর তারা ভিদিরে কধা কবাত্তে তর্ মুয়োন খুলি দিম। সেক্কে তারা হবর্ পেবাক্, মুয়ই লগেপ্রভু।”

লূকে লেখ্যে গম্ হবর্ 1:69

তে আমাত্তে তা চাগর্ দায়ূদো গুট্টিত্তুন্ এক্কো খেমতাবলা উদ্ধোর্ গুরিয়্যে তুল্যে।

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”