গীতসংহিতা 132:15 - Chakma Bible

¹⁵ মুই সিয়োনানরে ভালোক্কানি হানালোই বর্ দিম; হানালোই সিদুগো নাঢা মানুচ্চুনোরে আওজ্ পুরেই দিম।

গীতসংহিতা 132:15 ပူးပေါင်းရင်းမြစ်များ

গীতসংহিতা 107:9

যিগুনোর মনত্ আওজ্ আঘে তে তারার তিরেস্ মিটেই দে, আর যিগুনোর মনত্ পেট্‌পরা আঘে গম গম জিনিস্‌ছোই তে তারারে হাবেই দে।

গীতসংহিতা 147:14

তঅ দুযিগানিত্ তেয়ই সুগ-শান্দি রাগায়, আর বেগত্তুন দোল্ গমবোই তরে আওজ্‌চান্ পুরেই দে।

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

গীতসংহিতা 37:19

দুঘো দিনোত্ তারা লাজত্ ন-পড়িবাক্; রাদঅ দিনোত্ তারা যদেষ্ট হানা পেবাক্।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

যাত্রা 23:25

তুমি বানা তমার্‌ গোজেন লগেপ্রভুর, অত্তাত্‌ মরে সেবা গুরিবা। সেক্কে তমার হানা আর পানি উগুরে মর্‌ আশিদ্‌বাদ থেবঅ‌ আর মুয়ই তমার্‌ বেক্‌ অসুখ-বিসুখ্‌কানি দূর্ গুরি দিম্‌।

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

যিরমিয় 31:14

বেক্কানি বেশ্ গুরি দিইনে মুই ধর্মগুরুগুনোরে পুরেই দিম, আর মঅ মানুচ্চুনে মর্ আশীদ্‌বাদে হুজি অবাক্। মুই লগেপ্রভু এ কধাগান কঙর্।”

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

হগয় 1:9

“তুমি বোউত্ ফসল পেবার্ আজা গোজ্য, মাত্তর্ কম পেইয়ো। তুমি যিয়েনি ঘরত্ আন্য সিয়েনি মুই উড়েই দুয়োং। কিত্তে দুয়োং? মঅ ঘরত্তে সিয়েনি গোজ্যং, কিত্যে সেই ঘরান ভস্ত ওই পড়ি আঘে আর ইন্দি তুমি পত্তিজনে নিজো নিজো ঘর্‌লোই কামত্ আগঅ।‌

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

লূকে লেখ্যে গম্ হবর্ 1:53

যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।