গীতসংহিতা 132:11 - Chakma Bible

¹¹ লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

গীতসংহিতা 132:11 ပူးပေါင်းရင်းမြစ်များ

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

২ শমূয়েল 7:14

মুই ওম্ তা বাপ্‌ আর তে অবঅ মর্‌ পূঅ। যেক্কে তে অন্যেয় গুরিবো সেক্কে অন্য মান্‌জ্যে যেধোক্ক্যেন্ সাজা পান সেধোক্ক্যেন গুরি মুই তারে সাজা দিম্।

২ শমূয়েল 7:16

তর্‌ বংশ আর রেজ্যগান তর্‌ মুজুঙোত্‌ জিংকানিবর্‌ থিদেবর্ থেবঅ। তর্‌ সিংহাসনান্‌ অবঅ জনম্‌ভরা।’”

১ রাজাবলী 8:25

ইক্কিনে ও ইস্রায়েলর গোজেন লগেপ্রভু, তঅ চাগর মঅ বাপ্পো দায়ূদো ইদু তুই যে শমক্কান্ গোজ্যস সিয়েন রোক্ষ্যে গর্‌। তুই কোইয়োচ্ছে যুনি তা পূঅগুনে তা ধোক্ক্যেন গুরি তারার বেক্‌ কামানিত্‌ তঅ আওজ্ মজিম্‌ চলজ্‌ সালে ইস্রায়েলর সিংহাসনত্‌ বুজিবাত্তে তা বংশত্‌ মান্‌জ্যর অভাব ন-অবঅ।

২ বংশধর 6:16

ইক্কিনে ও ইস্রায়েলর গোজেন লগেপ্রভু, তঅ চাগর্‌ মঅ বাবা দায়ূদো ইদু তুই যে শমক্তান্‌ গোজ্যচ্‌ সিয়েন্‌ রোক্ষ্যে গর্‌। তুই কোয়োচ্ছে, যুনি তা পুয়োগুনে তা ধোক্ক্যেন গুরিনে তর্‌ রীদি-সুদোম মজিম চলিবাত্তে মনান্‌ দুয়োন্‌ সালে ইস্রায়েলর সিংহাসনত্‌ বুজিবাত্তে তার্‌ বংশত্‌ মান্‌জ্যর অভাব ন-অবঅ।

২ বংশধর 7:18

সালে মুই তর্‌ রাজসিংহাসনান্‌ থিদেবর্ গুরিম্‌, কিত্তে মুই তঅ বাব দায়ূদোর ইদু শমক্‌ খেইনে কোইয়োং, ইস্রায়েল উগুরে শাজন্ গুরিবাত্তে তঅ বংশত্‌ মান্‌জ্যর অভাব ন-অবঅ।

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 89:33

মাত্তর্ মর্ অমকদ কোচ্‌পানা মুই তা উগুরেত্তুন তুলি ন-নেযেম; মঅ বিশ্বেজ্‌ছান মিজে অবাত্তে ন-দিম।

গীতসংহিতা 89:35

মঅ পবিত্রতাগান শমক্ গুরি মুই একপল্লা কোই রাগেয়োং- মুই দায়ূদো ইদু কনদিন্‌অ মিজে কধা ন-কোম;

গীতসংহিতা 89:37

দেবাবোর বিশ্বেজর সাক্ষী চান্নো ধোক্ক্যেন্ সিবে উমরত্যে থিদেবর্ গরা অবঅ।”

গীতসংহিতা 89:5

ও লগেপ্রভু, স্বর্গর বেক্কানি তর্ দোল্ দাঙর কামানি নাঙ্ গিনিনে, পবিত্র দূত্‌তুনে তর্ বিশ্বেজর বাঈনী গরন্।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

লূকে লেখ্যে গম্ হবর্ 1:32

তে দাঙর্ অবঅ। তারে দাঙর্ গোজেনর পুয়ো কুয়ো অবঅ। প্রভু গোজেনে তার পূরোণি মানুচ্ রাজা দায়ূদো সিংহাসনান্ তারে দিবো।

প্রেরিত্‌ 2:30

তে এক্কো ভাববাদী এলঅ আর তে কোই পাত্ত গোজেনে শমক্ হেইনে এ এগেমান্ গোজ্যেদে যে, তা সিংহাসনত্ তার এক্কো গুট্টিরে তে বোজেব।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ শমূয়েল 15:29

যিবে ইস্রায়েলর বাঈনী পেবার্ তে মিজে কধা ন-কয় বা মনান্অ ন-বদলায়। তে মানুচ্ নয়দে যে, মনান্অ বোদোলেব।”