গীতসংহিতা 131:1 - Chakma Bible

¹ ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

গীতসংহিতা 131:1 ပူးပေါင်းရင်းမြစ်များ

২ শমূয়েল 6:22

মুই নিজোরে ইত্তুনো বেশ্‌ আরঅ তলে ফেলেম্ আর নিজো ইদু নিজে আরঅ চিগোন্‌ ওম্‌। মাত্তর্‌ তুই যে চাগরানীগুনোর কধা কলে তারা মরে সর্মানর চোগেন্দি চেবাক্।”

ইয়োব 42:3

তুই পুযোর্ গোজ্যচ্ছে, ‘ইবে কন্না, যে ন-বুঝিনে মঅ উদ্দেশ্যগানরে ভিদিরে ভিদিরে রাগায়?’ এ কধাগান ঠিগ্ যে, মুই যিয়েন ন-বুঝোং সে পৌইদ্যেনে কধা কোইয়োং; সিয়েন এদক্ আমক্ অবার্ যে, মর্ বুঝোনার বারেদি।

গীতসংহিতা 101:5

যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 122:1

মান্‌জ্যে যেক্কে কলাক্ সেক্কে মুই হুজি অলুং, “আদঅ, আমি লগেপ্রভুর ঘরত্ যেই।”

গীতসংহিতা 124:1

ইস্রায়েলে হোক্, “যুনি লগেপ্রভু আমা তপ্পে ন-থেদঅ,

গীতসংহিতা 133:1

মঅ জাদ্ ভেইয়ুন যেক্কেনে এগা মনে একসমারে বজত্তি গরন্ সেক্কেনে সিয়েন কত্তমান্ গম্ আর কত্তমান দোল্ লাগে!

গীতসংহিতা 139:6

তর্ এ জ্ঞানান্ মুই বুঝি ন-পারঙর্; সিয়েন অমকদ উগুরে, মঅ খেমতার বারেদি।

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

যিরমিয় 17:16

তঅ মানুচ্চুনোর পালক অনাত্তুন মুই দঅ ধেই ন-যাং; তুই হবর্ পাজ্ মুই দজার্ দিন ন-চাং। মঅ মুয়োত্তুন যিয়েনি নিগিলি এজে সিয়েনি তত্তুন লুগেয়্যে নয়।

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

প্রেরিত্‌ 20:19

যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

দ্বি’লম্বর বিররণ 17:20

ইয়েনত্যে অন্য ইস্রায়েলীয় ভেইয়ুনোত্তুন্‌ নিজোরে দাঙর্‌ গুরি চেবার মনভাব তার্‌ মনত্‌ ন এবঅ আর রীদি-সুদোমত্তুন্ তে ইন্দি উন্দি সুরি ন যায়। ইয়েন্দোই তে আর তার বংশধরুনে ইস্রায়েলীয়গুনো উগুরে ভালোকদিন সং রাজাগিরি গুরি পারিবাক্।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”

১ শমূয়েল 16:22

পরেন্দি শৌল যিশয়রে কোই পাদেল, “দায়ূদরে মর্‌ কামত্‌ অদে অদে থেবাত্তে দে, কিত্যে তারে মত্তুন্‌ গম্‌ লাক্কে।”

১ শমূয়েল 17:15

মাত্তর্‌ দায়ূদে শৌল ইদু থেদঅ, আরঅ তা বাপ্পোর ভেড়াছাগলুন চোড়েবাত্তে বৈৎলেহমতঅ যেদঅ।

১ শমূয়েল 18:23

তারা এই বেক্‌ কধানি দায়ূদোরে জানানার পরেন্দি তে কলদে, “রাজার জামেই অনাগান কি তুমি এক্কান সামান্য বেপার বিলিনে মনে গরর্‌? মুইদ নাদা, একজন সামান্য মানুচ্‌।”