1 ও লগেপ্রভু, অমকদ দুঘোত্ পড়িনে মুই তরে ডাগঙর্;
মুই সেই মুড়োবো ইন্দি রিনি চেম্; কুত্তুন্ মর্ এজাল্ এবঅ?
মান্জ্যে যেক্কে কলাক্ সেক্কে মুই হুজি অলুং, “আদঅ, আমি লগেপ্রভুর ঘরত্ যেই।”
তুই স্বর্গর সিংহাসনত্ আগচ্; মুই তন্দি রিনি চাং।
ইস্রায়েলে হোক্, “যুনি লগেপ্রভু আমা তপ্পে ন-থেদঅ,
যিগুনে লগেপ্রভু উগুরে বিশ্বেজ্ গরন তারা সিয়োন মুড়োবো ধোক্ক্যেন দরমর আর উমরত্তে থিদেবর্।
লগেপ্রভু যেক্কে সিয়োনানরে আরঅ পুরোণি অবস্থাত্ ফিরেই আনিলো, সেক্কে মনে গুরিলোং আমি যেন স্ববন্ দেগির্।
লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।
বর্ পেইয়্যে সেই মানুচ্চুন, যিগুনে লগেপ্রভুরে ভোক্তি গরন্ আর তা পধেদি চলন্।
ইস্রায়েলে হোক্, “মুই চিগোন থাগদে মান্জ্যে মরে বোউত্ অত্যেচার গোজ্যন্।
তে উগুরেত্তুন্ আঢ্ বাবেইনে মরে ধুরিলো, গভীন্ পানি ভিদিরেত্তুন্ মরে টানি তুলিলো।
তে মরে তুলি আনিলো মুরি যাইদে গাঢত্তুন্, সেই এলাফেলালোই ভোজ্যে গাঢত্তুন্। তে মরে পাত্তর উগুরে থিয়্যেবাত্তে দিলো আর দর মাঢি উগুরে আঢিবাত্তে দিলো।
সিয়েনত্ তর্ তান্জাঙর্ রবোর্ পানিগানর গুজুরোনিবো ডাগের্; আর তর্ ভাঙিপোজ্যে বেঈ এস্যে তুবোলুন্ মঅ উগুরেন্দি বেঈ যার্।
যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।
যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।
