গীতসংহিতা 123:3 - Chakma Bible

³ আমা উগুরে দোয়্যে গর্, ও লগেপ্রভু, আমা উগুরে দোয়্যে গর্, কিত্তে মানুচ্চুনোর ঈচ্ গরানাগান আমা মাঢা তাল্লো সং লুম্মেগোই।

গীতসংহিতা 123:3 ပူးပေါင်းရင်းမြစ်များ

২ শমূয়েল 6:16

লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

২ রাজাবলী 19:3

তারা যিশাইয়রে কলাক্‌, “হিষ্কিয় কত্তে, এচ্ছ্যে দিন্নো অলঅ দুগোর্‌, সাজা পেবার্‌ আর অসর্মান দিন। আমা কান্ডগান্ এমন্‌ ওইয়্যে যেন পুয়োগুন জর্ম অবার্‌ অক্ত ওইয়্যে মাত্তর্‌ ফুদেবার্‌ বলান্‌ নেই।

ইয়োব 19:15

মর্‌ গর্বাগুনে আর চাগরানীগুনে মরে যেনে ন-চিনো্ন্; তারা মরে বিদেশী ইজেবে দেগন্‌।

গীতসংহিতা 4:1

ও মর্ গোজেন, মুই যে তর্ আওজ্ মজিম চলঙর্ সিয়েন তুই দেগেই দুয়োর্; মুই যেক্কেনে তরে ডাগিম সেক্কে তুই মঅ ডাগনিলোই শুনিচ্। দযাগানে মরে ঝাবোদে ধোজ্যে, মাত্তর্ তুই মরে নিজেস্ ফেলেবার্ যু গুরি দুয়োচ্। মঅ উগুরে দোয়্যে গর্, মঅ তবনাগান শুন।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

আবিলেচ্ 3:30

যে তারে মাজ্যে তাইদু তে গালান্ পাদি দুয়োক্, নিজোরে অগমান পেবাত্তে দুয়োক্।

যিহিষ্কেল 36:15

জাদ্‌‌‌‌‌‌তুনোর্ ঠাট্টা-মশ্‌‌‌‌‌‌কারী আর তরে শুনিবাত্তে ন-দিম্ আর তারার অগমান গরানা আর তত্তুন্ সোজ্য গরা ন-পুরিবো। তত্তে তঅ জাদর্ মানুচ্চুনে আর উজোত্ ন-হেবাক্। মুই প্রভু লগেপ্রভু এ কধাগান কঙর্।’ ”

যিহিষ্কেল 36:6

তুই ইস্রায়েল দেজ পৌইদ্যেনে আগাম্ কধা কঅ। তার দাঙর্ দাঙর্ আর চিগোন্ চিগোন্ মুড়োগুন, গাদ আর কলগ্‌‌‌‌‌‌কানিরে কঅ, প্রভু লগেপ্রভু কোইয়্যেদে, মর্ মনর্ জ্বালালোই রাগে মুই কধা কঙর্, কিত্যে তুমি অন্য জাদ ইত্তুন্ অগমান পেইয়ো।

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

লূকে লেখ্যে গম্ হবর্ 23:35

যেক্কেনে ইহূদী নেতাগুনে যীশুরে ঠাট্টা-মশ্‌কারি গরা ধুরিলাক্ সেক্কেনে মানুচ্চুনে সিয়েনত্ থিয়্যেইনে রিনি চাহ্ ধুরিলাক্। “তে দঅ অন্যগুনোরে রোক্ষ্যে গুরিদো। যুনি তে মশীহ অয় যিবেরে গোজেনে বেঈ লোইয়্যে সালে তে নিজোরে রোক্ষ্যে গোরোক্!”