9 আমা গোজেন লগেপ্রভু ঘরান্ সিদু আঘে বিলিনে মুই যিরূশালেমর ভালেদি গুরিবার চেট্ট্যা গুরিম।
এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্ গোজেন ঘরান উগুরে মর্ কোচ্পানার্ কারনে ইক্কিনে মুই মর্ নিজোর্ সোনা আর রূবো দুয়োঙর্।
ও মর্ গোজেন্, এ কামানিত্তে মরে ইদোত্ রাগেচ্। মঅ গোজেনর্ ঘরান্ আর সে ঘরর্ সেবা-কামত্তে মুই বিশ্বেজ্ গুরিনে যিয়েনি গোজ্যং সিয়েনি ফুজি ফেলেই ন-দিজ্।
ইস্রায়েলীয়গুনোরে ভালেদি গুরিবাত্তে এক্কো মানুচ্ এচ্ছ্যে শুনিনে হোরোণীয় সন্বল্লট আর অম্মোনীয় মুরুব্বী টোবিয় অমকদ বেজার্ অলঅ।
রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্। তার্ বেক্ জাদ-ভেইয়ূনে তারে সর্মান আর কোচ্পানার চোগেন্দি দেগিদাক্, কিত্যে তে তা মানুচ্চুনোর ভালেদিত্তেই কাম্ গোজ্যে আর বেক্ যিহূদীগুনে গমেডালে থেবাত্তে চেট্ট্যা গোজ্যন্।
ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্পাং।
তঅ ঘরানত্তে মর্ যে গভিন কোচ্পানা, সেই কোচ্পানাগানে মঅ মনানরে জ্বালেয়্যে। যিগুনে তরে অগমান গরন্ তারার বেক্ অগমানানি মঅ উগুরে পোজ্যে।
অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।
সেক্কে পবিত্র বোইবোত্ লেগা এ কধাগান্ তা শিচ্চ্যগুনোর্ ইদোত্ উদিলো: তঅ ঘরানত্যে মর্ যে অমকদ কোচ্পানা, সে কোচ্পানাগানই মঅ মনানরে জ্বালেই তুলিবো।