গীতসংহিতা 122:6 - Chakma Bible

⁶ তুমি যিরূশালেমর সুগ-শান্দিত্ত্যে এ তবনাগান গরঅ, “যিগুনে যিরূশালেমানরে কোচ্‌পান তারার মংগল ওক্।

গীতসংহিতা 122:6 ပူးပေါင်းရင်းမြစ်များ

পত্থম 12:3

যিগুনে তরে বর্ দিবাক্‌ মুই তারারে বর্ দিম, আর যিগুনে তরে অভিশাব দিবাক্‌ মুই তারারে অভিশাব দিম্‌। তঅ মাধ্যমে পিত্‌থিমীর্‌ বেক্‌ জাদ্‌তুনে বর্ পেবাক্‌ ।

নহিমিয় 11:1

মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

নহিমিয় 11:2

যিদুক্কুন্‌ মান্‌জ্যে আওজ্‌ গুরিনে যিরূশালেমত্‌ বজত্তি গুরিবাত্তে চেলাক্‌ মানুচ্চুনে তারারে নাঙ্‌ গিনিলাক্‌।

ইষ্টের 4:8

শূশনত্‌ দিয়্যে যিহূদীগুনোরে ভস্ত গুরিবার যে রাজ-উগুম দিয়্যে ওইয়্যে মর্দখয় সিয়েনর্ নকল কপিবো হথকরে দিলো, যেনে তে সিয়েন্‌ ইষ্টেররে দেগেই পারে আর বেপারান্‌ বুঝেই পারে। ইষ্টেরে যেনে রাজার মুজুঙোত্‌ যেইনে তা মানুচ্চুনোত্তেই কোজোলি গরে সে কধাগান ইষ্টেররে কবাত্তে মর্দখয় হথকরে কলঅ।

গীতসংহিতা 51:18

তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

যিরমিয় 29:7

ইয়েনি বাদেয়ো যে শঅরত্ মুই তমারে বন্দী ইজেবে নেযেয়োং সিদুগোর্ ভালেদির্ চেরেস্‌‌টা গরঅ। ইয়েনত্তে মইধু তবনা গরঅ, কিত্তে যুনি সে শঅরর্ ভালেদি অয় সালে তমারঅ ভালেদি অবঅ।

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

ইফিষীয় 4:3

যে শান্তিগানে আমারে একসমারে এগত্তর্ গোজ্জ্যে সেই শান্তিগান্দোই সুদ্ধো-সাংগ আত্মাগানে দিয়্যে যদা অনাগান্ রোক্ষ্যে গুরিবাত্যে জদবদে চেট্ট্যা গরঅ।

২ থিষলনীকীয় 3:16

শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

১ যোহন 3:14

আমি ভেইয়ুনোরে কোচ্‌পেই বিলিনে বুঝি পারির্, আমি মরণত্তুন্ জিংকানিত্ পার্ ওই এচ্চ্যেই। যিগুনে কোচ্‌ ন-পান্ সিগুনে মরণান ভিদিরে থান্।

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।