গীতসংহিতা 122:5 - Chakma Bible

⁵ সিয়োদোই আঘে বিচেরর্ বেক্ সিংহাসনানি, দায়ূদো বংশগুনোর বিচেরর্ সিংহাসনানি।

গীতসংহিতা 122:5 ပူးပေါင်းရင်းမြစ်များ

২ শমূয়েল 8:18

যিহোয়াদার পূঅ বনায় এলদে দায়ূদোর কিয়্যে রোক্ষ্যেগুরিয়্যে করেথীয় আর পলেথীয়গুনোর নেতা, আর দায়ূদোর পূঅগুনে এলাক্ রাজার সল্লাদিয়্যে ধর্মগুরু।

১ রাজাবলী 7:7

বিচের-কুটির নাঙে তে এক্কান ঘর বানেল; সিয়েনত্‌ তার সিংহাসন এলঅ। বিচের গুরিবাত্তে এ ঘরান বানা অলঅ। ঘরর দেবালান তলেত্তুন ধুরি উগুরে সং তে এরস তক্তালোই নাদি দিলো।

২ বংশধর 11:22

রহবিয়ামে মাখার পুয়ো অবিয়রে রাজা বানেবার্‌ আওজ্ গুরিনে তারে তা ভেইয়ূনো ভিদিরেত্তুন্‌ আজল্লো বানেল।

২ বংশধর 19:8

যিহোশাফটে যিরূশালেমত্‌অ লগেপ্রভুর ওইনে বিচের রায় দিবাত্তে আর কোল্‌-কোজ্যে ভাঙি দিবাত্তে কয়েক্কো লেবীয়, ধর্মগুরু আর ইস্রায়েলীয় বংশর নেতারে নেযেল। রাজা আর তা মানুচ্চুনে যিরূশালেমত্‌ ফিরি এজানার পরেন্দি তার্‌ নেযেয়্যে বিচেরগ্‌কুনোরে তে এ উগুমান দিলো, তুমি লগেপ্রভুরে দোরেইনে বিশ্বেজর্‌ সহিত আর বেক্‌ মনান্দোই কাম্‌ গুরিবা।

দ্বি’লম্বর বিররণ 17:18

লেবীয়গুনো ভিদিরে যিগুনে ধর্মগুরু তারা ইদু রীদি-সুদোমর্ যে বোইয়ুন আগন্‌ সিংহাসনত্‌ বঝিবার অক্তত্‌ তাত্তুন্‌ সেই বোইয়ুনোত্তুন তার নিজোত্তে বেক্‌ রীদি-সুদোমানি এক্কো বোইয়োত্‌ নকল গুরি নেযা পুরিবো।

দ্বি’লম্বর বিররণ 17:8

যুনি এধোক্ক্যেন বেক্‌ মগদ্দমাগানি তমার আদালদত্‌ এজে যিগুনোর বিচের গরানা তমার পক্ষে আগাত্যে ওই উদে-সিয়েন লো ঝোরেবাত্তে ওক্‌ বা কোল্‌-কোজ্জ্যে বাজেবাত্যেই ওক্‌ বা আঘাত গুরিবাত্তে ওক্‌-তো সে মগদ্দমাগানি লগেপ্রভুর বেঈ লোইয়্যে জাগানত তমাত্তুন যাহ্ পুরিবো।