গীতসংহিতা 122:4 - Chakma Bible

⁴ সিয়োদই বেক্ গুট্টিগুনে উদোন্দোই, লগেপ্রভু মানুচ্চুনোর বেক্ গুট্টিগুন; ইস্রায়েলরে দিয়্যে উগুম্ মজিম তারা উদোন্দোই লগেপ্রভুরে ভালেদি জানেবাত্তে।

গীতসংহিতা 122:4 ပူးပေါင်းရင်းမြစ်များ

গীতসংহিতা 100:4

তারে ভালেদি জানাদে জানাদে তা গেট্টোন্দি চোমেয়ো, তার্ বাঈনী গত্তে গত্তে তা উদোনত্ চোমেয়ো; তারে ভালেদি জান, তার বাঈনী গরঅ।

গীতসংহিতা 118:19

মরে ন্যায়বলা লগেপ্রভুর ঘরর্ দোরান খুলি দুয়ো, যেনে মুই সিদু সোমেইনে তারে ভালেদি জানেই পারং।

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

গীতসংহিতা 81:6

লগেপ্রভু কলঅ, মুই তা কানাত্তুন্ বুধিবো সোরেই দিলুং; কাল্লোং বুয়োনাত্তুন্ তে বাঁজিলো।

যাত্রা 16:34

সেই মান্নাগান্‌ যেনে বংশর পর্‌ বংশ ধুরিনে তুল্যে থায় সেনত্তে হারোণে যেরেদি মোশিরে দিয়্যে লগেপ্রভুর্‌ উগুম্‌ মজিম্ সাক্ষ্য-সুন্দুগো মুজুঙোত্‌ সিয়েনি নেযেইনে রাগেল।

যাত্রা 23:17

বজরে তিনবার্‌ গুরিনে তমার্‌ বেক্‌ মরত্তুনে প্রভু লগেপ্রভুর্‌ মুজুঙোত্‌ আঝিল্ অবাক্।

যাত্রা 32:15

ইয়েন পরেদি মোশি সাক্ষ্য-আরুগ্ দ্বিবে আঢত্‌ গুরিনে মুড়োবোত্তুন্‌ তলেন্দি লামিলো। ফলক্ দ্বিবে মুজুঙেন্দি আর পিজেন্দি দ্বিকিত্তেদি লেগা এলঅ‌।

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।