গীতসংহিতা 121:5 - Chakma Bible

⁵ লগেপ্রভু তর্ রোক্ক্যেগুরিয়্যে; লগেপ্রভু তর্ ছাবা, তে তঅ ডেনেদি আঘে।

গীতসংহিতা 121:5 ပူးပေါင်းရင်းမြစ်များ

গীতসংহিতা 109:31

কিত্তে তে নাদা মানুচ্চুনোর কায়কুরে থেদঅ, যেন অন্যেয় বিচের রায়ত্তুন্ তা পরাণান্ রোক্ক্যে গুরি পারে।

গীতসংহিতা 16:8

মঅ চোখ্‌কুন আমিঝে লগেপ্রভু ইন্দি আগন্; তে মর্ ডেনেদি আঘে বিলি মুই থির্ থেম।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

যাত্রা 13:21

লগেপ্রভু তারারে পথ দেগেইনে নেযেবাত্তে দিনো লক্কে মেঘঅ আন্দল ভিদিরেদি আর রেদো লক্কে পহ্‌র্‌ দিবাত্যেই আগুনো আন্দল ভিদিরেদি থেইনে তারার্‌ আগে আগে যেদঅ‌। সেক্কে তারা দিনোত্‌ আর রেদোত্‌ সব সময়োত্‌ যেই পারিদাক্‌।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।