গীতসংহিতা 121:4 - Chakma Bible

⁴ যিবে ইস্রায়েলীয়গুনোরে চুগি দে তে দঅ ঘুমোত্ ঢুলি ন-পড়ে, ঘুমঅ ন-যায়।

গীতসংহিতা 121:4 ပူးပေါင်းရင်းမြစ်များ

১ রাজাবলী 18:27

দিবুজ্যে অক্তত্‌ এলিয় তারারে ঠাট্টা গুরিনে কলঅ, “দাঙর্‌ গুরিনে রঅ ছাড়অ, তে দঅ দেবেদা। অয়ত তে গভীন্‌ চিন্তে গরের্‌, নয়ত আঘাছালত্‌ যেইয়্যে, নয়ত পদথ্‌ আদের্‌। অয়ত্‌ ঘুম্‌ যার্‌, তারে জাগা পুরিবো।”

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গীতসংহিতা 27:1

লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

উপদেশক 8:16

জ্ঞানান্ পেবাত্তে আর পিত্‌থিমীত্ যিয়েনি অয় সিয়েনি বুঝিবাত্তে যেক্কেনে মুই মনযোগ্ দিলুং সেক্কেনে দেগিলুং, এক্কো মান্‌জ্যর্ চোগ্ যুনি দিনে-রেদে কাঢাও ন-যায় তো বেলান তলে গোজেনে যিয়েনি গোজ্যে সিয়েনি তে বেক্কানি বুঝি ন-পারে। মানুচ্ সিয়েন তোগেই নিগিলেবাত্তে নানান্ বাবোত্যে চেট্ট্যা গুরিনেয়ো সিয়েনি নিগিলেই ন-পারন্। এমন্ কি, এক্কো জ্ঞানী মানুচ্অ যুনি সিয়েন হবর্ পায় বিলিনে দাবি গরে তো তে ঘেচ্চেক্‌গুরি বেক্কানি বুঝি ন-পারে।

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

ফগদাং পেইয়্যে 7:15

সেনত্যে ইগুনে গোজেনর্ সিংহাসন মুজুঙোত্ আঘন আর স্বর্গর্ উবোসনা-ঘরত্ ইগুনে দিন-রেত্ তারে সেবা গত্তন্। যিবে সিংহাসন উগুরে বুয়োই আঘে তেয়ই ইগুনো উগুরে তা তাম্বুলান খাদেব।