গীতসংহিতা 12:7 - Chakma Bible

⁷ ও লগেপ্রভু, তুয়ই তারে গমেডালে রাগেবে; এ কাল মানুচ্চুনোর্ আঢত্তুন্ জিংকানিবর তারারে পত্তি জনরে তুই রোক্ষ্যে গুরিবে।

গীতসংহিতা 12:7 ပူးပေါင်းရင်းမြစ်များ

গীতসংহিতা 10:18

তুয়ই সিয়েন্ গোজ্যস্, যেনে মা-বাপ্ নেইয়্যে আর অত্যেচার ওইয়্যে মানুচ্চুনোর্ পক্ষে তুই থিয়্যেই পারচ্, যেনে এ দুনিয়ের্ মানুচ্চুনে তারারে আর্ দর্ দেগেই ন-পারন্।

গীতসংহিতা 119:140

তঅ কধানি এক্কুবারে খাটি বিলিনে প্রমান ওইয়্যে, সেনত্তে তর্ এ চাগর্‌বো সিয়েনি কোচ্‌পায়।

গীতসংহিতা 121:8

তর্ পত্তিদিনোর জিংকানিত্ লগেপ্রভু তরে চুগি দিবো, ইক্কিনেত্তুন্ ধুরি উমর সং দিবো।

গীতসংহিতা 145:20

যিগুনে লগেপ্রভুরে কোচ্‌পান বেক্কুনোরে তে রোক্ক্যে গরে, মাত্তর্ বেক্ পাজিগুনোরে তে ভস্ত গুরি ফেলেব।

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 18:31

লগেপ্রভু বাদে গোজেন আর্ কন্না আঘে? আমা গোজেনে বাদে আর কি কনঅ আশ্রয়-মুড়ো আঘে?

গীতসংহিতা 19:9

লগেপ্রভু উগুরে যে ভোক্তিবলা দর্, সিয়েন্ সিজি আর জনমত্তে থিদেবর্ গোজ্যে। লগেপ্রভুর রীদি-সুদোমানি সত্য, সিয়েনত্ অন্যেয় কিজু নেই।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গীতসংহিতা 37:40

লগেপ্রভুই তারারে সাহায্য আর রোক্ষ্যে গরে; পাজিগুনোর আঢত্তুন তেয়ই তারারে উদ্ধোর গরে, আর তেয়ই তারারে বাঁজাই, কিয়া তারা তাইদু আশ্রয় নেযেয়োন।

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।