গীতসংহিতা 12:6 - Chakma Bible

⁶ লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 12:6 ပူးပေါင်းရင်းမြစ်များ

২ শমূয়েল 22:31

গোজেনর্ পধেন্দি কনঅ বেজাল্ নেই; লগেপ্রভুর কধানি খাটি বিলিনে প্রমাণ ওইয়্যে। তেয়ই তা ভিদিরে আশ্রয় লোইয়্যে বেক্কুনোর ঢাল।

ইয়োব 20:19

কিয়া তে নাঢা মানুচ্চুনোরে অত্যেচার আর য়েলাফেলা গোজ্যে, আর যে ঘরান্‌ তে নিজে ন-বানায় সিয়েন্‌ গজক্‌ গুরি নেযেয়্যে।

ইয়োব 28:1

রূবোর্ খনি আঘে আর সনা কাজেবার জাগায়ো আঘে।

গীতসংহিতা 119:140

তঅ কধানি এক্কুবারে খাটি বিলিনে প্রমান ওইয়্যে, সেনত্তে তর্ এ চাগর্‌বো সিয়েনি কোচ্‌পায়।

গীতসংহিতা 18:30

গোজেন পধেদি কনঅ ভেজাল্ নেই; লগেপ্রভুর কধানি খাটি বিলিনে ফগদাং ওইয়্যে। তেয়ই তাইদু আশ্রয় লোইয়্যে বেক্কুনোর্ ঢাল।

গীতসংহিতা 19:8

লগেপ্রভুর বেক্ সুদোমানিয়ে উজু পধেদি চালায় আর মনানরে হুজি রাগায়। লগেপ্রভুর উগুমান খাটি, সিয়েনে মনানরে ফোট্‌‌ফোট্যে রাগায়।

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

গীতসংহিতা 9:13

ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 6:1

লগেপ্রভু মোশিরে কলঅ, “তুই দেগিবে, ফরৌণরে এবারত্‌ মুই কি গরঙ্‌। মর্‌ দরমর আঢত্‌ পড়িনে সেই মানুচ্চুনোরে ইরি দিবো। অয়, মর্‌ দরমর আঢত্‌ পড়িনে তে তা দেজত্তুন্‌ তারারে ধাবেইনে নিগিলেই দিবো।”

গম্ উপদেজ্ 22:23

কিত্তে লগেপ্রভু মাম্‌লাত্ তারার তপ্পে নিবো, আর যিগুনে তারা জিনিসছানি কাড়ি নেযান্ তে তারা পরাণান্ কাড়ি নিবো।

গম্ উপদেজ্ 30:5

গোজেনর বেক্ কধানি খাটি বিলিনে প্রমান্ ওইয়্যে; যিগুনে তাইদু আশ্রয় নেযান্ তে তারার ঢাল্ অয়।

যিশাইয় 14:22

বেগত্তুন্ খেমতাবলা লগেপ্রভু কোইয়্যেদে, “মুই তারা বিরুদ্ধে উদিম্; বাবিলো নাঙান্ আর তার বাঁজি থেইয়্যে মানুচ্চুনোরে আর তা বংশধরুনোরে মুই এক্কুবারে শেজ্ গুরি দিম্।

যিশাইয় 33:10

লগেপ্রভু কোইয়্যেদে, “এবেরা মুই উদিম্, এবার্ মুই সর্মানিত্ ওম্, এবেরা মর্ বাঈনীগান ফগদাং অবঅ।