গীতসংহিতা 118:13 - Chakma Bible

¹³ মুই যেনে পড়ি যাং সেনত্তে তারা মরে ধাক্কা মাজ্যন্, মাত্তর্ লগেপ্রভু মরে বল্ দিয়্যে।

গীতসংহিতা 118:13 ပူးပေါင်းရင်းမြစ်များ

গীতসংহিতা 129:2

যুনিয়ো মরে চিগোনত্তুন্ ধুরি তারা মরে বোউত্ অত্যেচার গোজ্যন্, তো তারা মঅ উগুরে জিদি ন-পারন্।

গীতসংহিতা 140:4

ও লগেপ্রভু, পাজিগুনো আঢত্তুন্ মরে রোক্ক্যে গর্। অত্যেচারি মানুচ্চুনো আঢত্তুন্ মরে রোক্ক্যে গর্; মঅ টেঙান্ যেন বিজিদি যায় সেনত্তে তারা ফন্দি গোজ্যন্।

গীতসংহিতা 86:17

তর্ ভালেদির আওজর্ প্রমাণান্ মরে দেগা, যেনে মরে যিগুনে ঈচ্ গরন্ তারা দেগিনে লাজ্ পান; কিত্তে ও লগেপ্রভু, তুয়ই মরে বল্ দুয়োচ্ আর বুঝেয়োচ্।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”

১ শমূয়েল 25:29

মর্‌ গিরোজ্‌সোরে মারে ফেলেবাত্তে মান্‌জ্যে লোড়েলেয়ো মুই হবর্‌ পাং তার্‌ পরাণান তার্‌ গোজেন লগেপ্রভুর ধনভান্ডালত্‌ যত্তন্‌ গুরিনে থোইয়্যে আঘে। মাত্তর্‌ তর্‌ শত্রুগুনোর পরাণান তে ফিংগালোই পাত্তর্‌ মারেদে ধোক্ক্যেন গুরি ফেলেই দিবো।