গীতসংহিতা 116:9 - Chakma Bible

⁹ মুই জেদা মানুচ্চুনো ভিদিরেত্তুন্ লগেপ্রভুর মুজুঙোত্ আদাউদো গুরিম।

গীতসংহিতা 116:9 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 8:25

ইক্কিনে ও ইস্রায়েলর গোজেন লগেপ্রভু, তঅ চাগর মঅ বাপ্পো দায়ূদো ইদু তুই যে শমক্কান্ গোজ্যস সিয়েন রোক্ষ্যে গর্‌। তুই কোইয়োচ্ছে যুনি তা পূঅগুনে তা ধোক্ক্যেন গুরি তারার বেক্‌ কামানিত্‌ তঅ আওজ্ মজিম্‌ চলজ্‌ সালে ইস্রায়েলর সিংহাসনত্‌ বুজিবাত্তে তা বংশত্‌ মান্‌জ্যর অভাব ন-অবঅ।

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।