গীতসংহিতা 116:7 - Chakma Bible

⁷ ও মর্ পরাণান, আরঅ এক্কানা অলর্ অ, কিত্তে লগেপ্রভু তরে বোউত্ ভালেদি গোজ্যে।

গীতসংহিতা 116:7 ပူးပေါင်းရင်းမြစ်များ

গীতসংহিতা 119:17

তর্ এ চাগর্‌বোরে ভালেদি গর্ যেনে মুই বাঁজি থাং আর তঅ কধানি পালেই পারং।

গীতসংহিতা 13:6

লগেপ্রভু মরে ভালেদি গোজ্যে, সেনত্তেই মুই তা নাঙে গীত্ গেম্।

গীতসংহিতা 95:11

সেনত্তে মুই রাগে শমক্ হেইনে কোইয়োঙে, “মর্ দিয়্যে জিরেবার জাগানত্ তারা যেই ন-পারিবাক্। ”

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।