গীতসংহিতা 116:6 - Chakma Bible

⁶ লগেপ্রভু সিদেসিদি মানুচ্চুনোরে রোক্ক্যে গরে; মুই অনালর্ ওইয়োং মাত্তর্ তেয়ই মরে উদ্ধোর্ গোজ্যে।

গীতসংহিতা 116:6 ပူးပေါင်းရင်းမြစ်များ

গীতসংহিতা 106:43

ভালোক্‌বার তে তারারে উদ্ধোর্ গুরিলো, মাত্তর্ তারা নিজোর আওজে উল্লোমি অলাক্; পাপত্তে তারার এ অবস্তা অলঅ।

গীতসংহিতা 142:6

মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 79:8

পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

রোমীয় 16:19

তমা বাধ্যতার কধা বেক্কুনে শুন্ন্যন্, আর সেনত্তে মুই তমা উগুরে হুজী ওইয়োং। মুই চাং যেন তুমি গমানরে চিনিনে মানি লঅ আর বজঙত্তুন্ দূরোত্ থাগঅ।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।