গীতসংহিতা 115:9 - Chakma Bible

⁹ ও ইস্রায়েলীয়গুন, লগেপ্রভু উগুরে ভর্ গরঅ - তেয়ই তারার বল্ দিয়্যে আর ঢাল।

গীতসংহিতা 115:9 ပူးပေါင်းရင်းမြစ်များ

গীতসংহিতা 125:1

যিগুনে লগেপ্রভু উগুরে বিশ্বেজ্ গরন তারা সিয়োন মুড়োবো ধোক্ক্যেন দরমর আর উমরত্তে থিদেবর্।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

গম্ উপদেজ্ 30:5

গোজেনর বেক্ কধানি খাটি বিলিনে প্রমান্ ওইয়্যে; যিগুনে তাইদু আশ্রয় নেযান্ তে তারার ঢাল্ অয়।

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

ইফিষীয় 1:12

আমি যিগুনে আগেদি খ্রীষ্ট উগুরে আজা গোজ্জ্যেই, তেয়ই আমা মাধ্যমে যেন গোজেনর্ মহিমার্ বাঈনী গরা অয় সেনত্যে তে আমারে বেঈ লোইয়্যে।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”