গীতসংহিতা 115:14 - Chakma Bible

¹⁴ লগেপ্রভু তমার আর তমা পুয়ো-ছাগুনোর গুট্টিগুন বাড়েই দোক্।

গীতসংহিতা 115:14 ပူးပေါင်းရင်းမြစ်များ

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

২ শমূয়েল 24:3

জোবত্‌ যোয়াবে রাজারে কলঅ, “তঅ গোজেন লগেপ্রভু যেনে মানুচ্চুনোরে একশতগুন্‌ বাড়েই দে, আর মঅ গিরোজ্‌ মহারাজে যেনে তা নিজোর চোগেন্দি দেগে। মাত্তর্‌ মঅ গিরোজ্‌ মহারাজে এবাবোত্যে কাম্ কিত্তে গুরিবাত্তে চার্‌?”

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 56:8

প্রভু লগেপ্রভু, যিবে বিদেজত্ ছিদি পড়ি থেইয়্যে ইস্রায়েলীয়গুনোরে এগত্তর্ গরে তে এ কধাগান ফগদাং গরেত্তে, “যিগুনোরে আগে এগত্তর্ গরা ওইয়্যে তারা সমারে অন্য জাদ মানুচ্চুনোরেয়ো মুই এগত্তর্ গুরিম।”

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

সখরিয় 10:8

মুই তারারে শিক্ কারিনে ডাগিম্ আর এক সমারে এগত্তর্ গুরিম। মুই তারারে উদ্ধোর্ গুরিম বিলিনে তারা আগ ধোক্ক্যেন জনেদি বোউত্ অবাক্।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

প্রেরিত্‌ 3:25

আর তুমি দঅ সেই ভাববাদীগুনোর বংশধর। তমা পূরোণি মানুচ্চুনোত্তে গোজেনে যে সুদোমান গোজ্যে, তুমি দঅ তার্ ভাগিদার। গোজেনে অব্রাহামরে এ কধাগান কোইনে সেই সুদোমান থিদেবর্ গোজ্যে, ‘তঅ গুট্টির্ মাধ্যমে পিত্‌থিমীর বেক্‌ জাদ্‌‌তুনে বর্ পেবাক্।’

দ্বি’লম্বর বিররণ 1:11

তমার পূরোণি মানুচ্চুনোর গোজেন লগেপ্রভু তমা মানুচ্চুনোরে আরঅ আজার্‌ গুণ বাড়েই দুয়োক্‌ আর তার্‌ এগেম্ মজিম তে তমারে আশিদবাদ্‌ গোরোক্।

ফগদাং পেইয়্যে 7:4

সে পরেদি মুই সেই সীলমহ্‌র গোজ্জ্যে মানুচ্চুনোর সোংখ্যেগুন শুনিলুং। ইস্রায়েলীয়গুনোর বেক্‌ গুট্টিগুনোত্তুন্ বেক্কুনে একশঅ চৌচোল্লিশ্ আজার মান্‌জ্যরে সীলমহ্‌র গরা ওইয়্যে:

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।