গীতসংহিতা 113:9 - Chakma Bible

⁹ তে ভাজ্ মিলেগুনোরে পুয়ো-ঝিগুনোর হুজি অইদে মা বানায় সংসারর পুরো অধিকারান্ দে। লগেপ্রভুরে নাঙ্ গিনে ওক্।

গীতসংহিতা 113:9 ပူးပေါင်းရင်းမြစ်များ

পত্থম 25:21

ইস্‌হাক মোক্কো ভাঝ্‌ এলঅ বিলি ইস্‌হাকে তাত্তে লগেপ্রভু ইদু ভিক্ষ্যে চেলঅ। লগেপ্রভু সিয়েন মানি লল সেনে রিবিকা পিদিলী অলঅ।

২ রাজাবলী 4:17

পরেন্দি মিলেবো পিদিলী অলঅ আর ইলীশায় যেধোক্ক্যেন কোইয়্যে ঠিগ্‌ সেধোক্ক্যেন যেরে বজর্‌বোত্‌ একই সময়োত্‌ তে পুয়োর্‌ মা অলঅ।

গীতসংহিতা 68:6

নিজোর বিলিনে যিবের কনজন নেই তারে তে নিজোর গিরির্ মানুচ্ বানায়; বানি থোইয়্যেগুনোরে তে উদ্ধোর্ গুরিনে ভালেদির পধেন্দি নেযায়, মাত্তর্ উল্লোমীগুনে রোদে পুজ্যে ভূইয়োত্ বজত্তি গরন।

যিশাইয় 54:1

লগেপ্রভু কোইয়্যেদে, ও ভায্ মিলেবো, যিবের কনদিন্অ পুয়ো ন-অয়, তুই হুজিয়ে গান গাহ্; তুই, যিবের্ কনদিন্অ পুয়ো ফুদেবার পেটপিড়ে ন-অয়, তুই জদবদে গান গাহ্, হুজিয়ে রঅ ছাড়্; কিত্তে যিবের্ নেগ্ আঘে তাত্তুন্ যিবের কনজন নেই তার পুয়ো-ছা বোউত্ অবাক্।

গণাণা 5:28

মাত্তর্‌ মিলেমানুচ্চো যুনি অসতী ন-ওইনে নির্দুজি ওই থায়্‌ সালে তারে যে দুষ্‌ দিয়া ওইয়্যে সিয়োত্তুন্‌ তে ছড়ান পেবঅ আর পুয়ো-ছার্‌ মা অবার্‌ খেমতা তার্‌ থেই যেবঅ।

গালাতীয় 4:27

পবিত্র বোইবোত্ লেগা আঘে, “ও ভান্ন্যেই মিলেবো, যিবের্ কনদিন্অ পুয়ো-ছা ন-অয়, তুই হুজিয়ে গীদ্ গাহ্; তুই, যিবের্ কনদিন্অ পুয়ো ফুদোইদ্যে ধোক্ক্যেন পীড়ে ন-অয়, তুই গানে দুলি পড়্, হুজিয়ে রঅ ছাড়্; কিয়া যিবের্ নেক্ আঘে তাত্তুন্ বেশ্ যিবের কনজন নেই তার্ পুয়ো-ছা বোউত্ বেশ্ অবাক্।”

১ শমূয়েল 2:5

যিগুনোর পেট্‌তুন ভরা এলাক্ তারা খানাত্যে ইক্কিনে অন্যগুনোর্ কাম্‌ গত্তন; মাত্তর্‌ যিগুনোর পেট্‌ পুরের্‌ তারার পেট্‌ পুরোনা কাদে যেয়েগোই। যে ভাজ্‌ এলঅ তে সাত্তো পূঅর মা ওইয়্যে, মাত্তর্‌ যিবের ভালোক্কুন পূঅ তে ইক্কিনে বল্‌পোজ্যে, ঝি-পূঅর জর্ম দি ন-পারে।