গীতসংহিতা 113:4 - Chakma Bible

⁴ বেক্ জাদ্‌তুনে লগেপ্রভুর অধীনোত্; আগাজঅ উগুরেয়ো তার মহিমাগান্।

গীতসংহিতা 113:4 ပူးပေါင်းရင်းမြစ်များ

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

গীতসংহিতা 148:13

ইগুনে বেক্কুনে লগেপ্রভুরে নাঙ্ গিনোদোক্, কিত্তে বানা তেয়ই দাঙর্; পিত্‌থিমী আর আগাজ্‌চান উগুরেয়ো তারে বাঈনী গরন্।

গীতসংহিতা 8:1

ও লগেপ্রভু, আমা গিরোজ্, গোদা দুনিয়েগানত্ রোইয়্যেদে তর্ মহিমার কধা; স্বর্গত্ তর্ মহিমা তুই থিদেবর্ গোজ্যস্।

গীতসংহিতা 97:9

ও লগেপ্রভু, তুই বেক দুনিয়েগানর দাঙর্ গোজেন; বেক দেবেদাগুনোত্তুন্ ভালোদ্দুর্ উগুরে তর্ জাগায়ান।

গীতসংহিতা 99:2

সিয়োনত্ বজত্তিগুরিয়্যে লগেপ্রভু দাঙর্; বেক জাদ্‌তুনে তা তলে।

যিশাইয় 40:15

চঅ, জাদ্‌‌তুনে যেন কুমো ভিদিরে পানি ধোক্ক্যেন্ এক্কো ফুদো; পাল্লার ধূল্যেকণা ধোক্ক্যেন্ তারারে মনে গরা অয়। দূর্ দেজ মানুচ্চুনে তাইদু মিহি ধূ্ল্যে ধোক্ক্যেন পাদল্।

যিশাইয় 40:17

বেক্ জাদ্‌‌‌তুনে তাইদু কিচ্ছু নয়; সিগুনোরে তে কিজু বিলিনে মনে ন-গরে; সিয়েনি তাইদু বাজে।

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌