গীতসংহিতা 112:9 - Chakma Bible

⁹ তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 112:9 ပူးပေါင်းရင်းမြစ်များ

গীতসংহিতা 111:3

তা কামানি বাঈনী পানালোই আর মহিমালোই ভরা, তার গম্ কামানি উমরত্যে থিদেবর্।

গীতসংহিতা 112:3

তা ঘরত্ ধন আর সোম্বোত্তি থেবঅ; তার গমান্ উমরত্যে থিদেবর্।

গীতসংহিতা 75:10

মুই পাজিগুনোর বেক শিঙুন কাবি ফেলেই দিম, মাত্তর্ গোজেন ভক্তগুনোর্ শিঙুন অজলত্ তুলো অবঅ।

গীতসংহিতা 92:10

ঝাড় গোরুর অজল্ শিং ধোক্ক্যেন্ তুই মর্ মাঢাবো অজলত্ তুল্যচ্; হুজিয়ে মঅ উগুরে নুয়ো তেল ঢালি দিয়্যে ওইয়্যে।

গীতসংহিতা 92:11

মর্ শত্রুগুনোর উদি যানা মুই নিজোর চোগেন্দি দেখ্যং; যিগুনে মর্ বিরুদ্ধে লাক্ক্যন্ সেই পাজি মানুচ্চুনোর কানানি মুই নিজো কানে শুন্যং।

গম্ উপদেজ্ 14:24

জ্ঞানীগুনোর্ বক্‌শিজ্ অলঅ তারার ধন, মাত্তর্ জ্ঞাননেইয়্যেগুনোর ভুলানি আরঅ ভুলোর জর্ম দে।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 21:26

এন্ মানুচ্ আগন যিগুনে নিত্য লুভ্ গরন, মাত্তর্ গোজেন ভক্ত মান্‌জ্যে গমেডালে দান গরন্।

উপদেশক 11:6

তঅ বীজিগুন্ বেন্যেমাদান্ ফেলা, বেল্যে মাদান্অ তঅ আঢ্‌তানিরে সে কামানি গুরিবাত্তে দিচ্, কিত্তে কন্ সময়োত্ কামানি গম্ অবঅ না কি দুনোগান্ সং সং গুরি গম্ অবঅ, সিয়েন্ দঅ তুই হবর্ ন-পাজ্।

উপদেশক 3:6

তোগেইনে পেবার্ সময় আর আরেবার্ সময়, রাগেবার্ সময় আর ফেলেই দিবার্ সময়,

যিশাইয় 32:8

মাত্তর্ গম্ মান্‌জ্যে গম্ পরিকল্পনা গরন্ আর তার গম্ কামানিলোই তে থির্ থায়।

যিশাইয় 58:10

যুনি পেট্ পুজ্যে মানুচ্চুনো উগুরে মেয়্যে দেগেইনে তারারে হানা দুয়ো, সেক্কে আন্ধারত্‌অ তমার পহ্‌‍‌‍‌র জুলি উদিবো আর তমার রেত্‌‍‌তো অবঅ দিবুজ্যে মাদান ধোক্ক্যেন।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

মথি লেখ্যে গম্ হবর্ 6:4

যেন তর্ দান গরানাগান্ গুমুরোত্ অয়। সেক্কে তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মার্ক 14:7

নাঢা মানুচ্চুনে নিত্য তমা সমারে আগন্, আর যেক্কে আওজ্ গরন্ সেক্কে তুমি তারারে সাহায্য গুরি পারঅ, মাত্তর্ মরে তুমি নিত্য ন-পেবা।

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 16:9

মুই তমারে কঙর্, এ ভান্ন্যেই জগদর্ ধন্‌দোই মানুচ্চুনো সমারে দাংগুত্ব গরঅ, যেন সেই ধনানি ফুরেই যানার্ পরেদি চিরকালত্যে থেবার্ জাগাত্ তমারে গুজি লুয়ো অয়।

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

যোহন 13:29

কেঅ কেঅ মনে গুরিলাক্, পরবত্যে যিয়েনি দরকার্ যীশু যিহূদারে সিয়েনি কিনি আনিবাত্যে কোইয়্যে বা নাঢা মানুচ্চুনোরে কিজু দিবাত্যে কোইয়্যে, কিয়া তারার্ টেঙা বাক্সুবো যিহূদা ইধু থেদঅ।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

দ্বি’লম্বর বিররণ 15:11

নাঢা মানুচ্ হামাক্কায় দেজত্‌ আমিঝে থেবাক। সেনত্যে মুই তমারে এ উগুমান দুয়োঙর, তমা ভেইয়ুনো উগুরে আর দেজর নাঢা আর অভাবী মানুচ্চুনো উগুরে তমা আঢ্‌তানি যেনে খুলো থায়।

দ্বি’লম্বর বিররণ 15:14

তুমি তারে খুলো মন্দোই তমা পালত্তুন ছাগল আর ভেড়া, খামারত্তুন শোজ্য আর আংগুর মারেদে জাগাত্তুন্‌ আংগুরো-রস দিবা। তমার গোজেন লগেপ্রভু তমারে যে ইজেবে আশিদ্‌বাদ গোজ্যে তুমিয়ো সে ইজেবে তারে দিবা।

দ্বি’লম্বর বিররণ 24:13

সাজোন্যে অক্তত্‌ তারে সিয়েন ফিরেই দিয়্যে পুুরিবো যেনে তে সিয়েন্‌ কিয়্যেত্‌ দিইনে ঘুম্‌ যেই পারে। সেক্কে তে তমাত্তে ভালেদি চেবঅ, আর তমার গোজেন লগেপ্রভুর চোগোত্‌ সেই ফিরেই দিবার কামান্‌ অবদে তমা পক্ষে তার আওজ মজিম্‌ চলানা।

১ তীমথিয় 6:18

থাগোইয়্যেগুনোরে উগুম দে যেন তারা অন্যগুনোরে উপকার্ গরন, সৎ কামত থান্, খুলো আঢে দান গরন্ আর তারার্ ধন-সোম্বোত্তির্ ভাগ অন্যগুনোরেয়ো দুয়োন।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”

১ শমূয়েল 2:1

সে পরেন্দি হান্না তবনা গুরিনে কলঅ, “লগেপ্রভুরে নেযেইনে মুই হুজি গরং; লগেপ্রভুই মরে জিদেনাগান্ দান গোজ্যে। মর্‌ শত্রুগুনো মুজুঙোদোই মুই মুয়োন খুলিনে হুজির্-গীত্ গাঙর্‌; তুই মরে শত্রুগুনো আঢত্তুন উদ্ধোর গোজ্যচ্‌ বিলি মুই হুজি।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।