গীতসংহিতা 111:2 - Chakma Bible

² লগেপ্রভুর বেক কামানি দোল্; যিগুনে সিয়েনিলোই হুজি অন্ তারা সিয়েনিলোই ধ্যান গরন্।

গীতসংহিতা 111:2 ပူးပေါင်းရင်းမြစ်များ

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

গম্ উপদেজ্ 24:14

ইয়েন হবর্ পেবে, জ্ঞানান্ তঅ রিবেঙানত্তে মধু ধোক্ক্যেন্ মিদে; যুনি তুই জ্ঞান পাচ্ সালে তর্ ভবিচ্চদর আজা আঘে, আর তঅ আজাগান ভাঙি দিয়্যে ন-অবঅ।

গীতসংহিতা 143:5

মুই পুরোণি দিনুনোর্ কধা ইদোত্ তুলোং, তর্ বেক কামানি পৌইদ্যেনে ধ্যান গরং; তঅ আঢ্‌তানিয়ে যিয়েনি গোজ্যে সিয়েনি ভাবঙর্।

গীতসংহিতা 139:14

মুই তরে বাঈনী গরং, কিত্তে মুই অমকদ আমক্ ওইদ্যে ধোক্ক্যেন ওইয়োং; আমক্ অবার্ তর্ বেক্ কামানি, মুই সিয়েন গমেডালে হবর্ পাং।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!

দানিয়েল 4:3

তার চিহ্নোর্-কামানি কদক্ দাঙর্, তার্ আমক্ কামানি কদক্ খেমতাবলা! তার রেজ্যগান উমরর্ রেজ্য, আর তার রাজাগিরিগান্ যুগোর পর যুগ থিদেবর্ গোজ্যে।

উপদেশক 3:11

তে বেক্কানিত্তে যগাজ্যে সময় ঠিগ্ গুরি রাগেয়্যে। তে মান্‌জ্য মনত্ উমর কাল পৌইদ্যেনে বুঝিবার্ আওজ্‌চান দিয়্যে, মাত্তর্ তে পৌইল্যাত্তুন্ ধুরি থুম্ সং কি গরে সিয়েন মানুচ্ বুঝি ন-পারন্।

গম্ উপদেজ্ 17:16

জ্ঞান পেবাত্তে বিবেচনা নেইয়্যে ভুল্ মান্‌জ্য আঢত্ টেঙা থেলে কি লাভ? তার দঅ বুদ্ধি নেই।

রোমীয় 8:6

পাপ-খাচ্চ্যদে যিয়েনি চায় সিয়েনি আয়োজি অনার্ ফল অলঅ মরণ্, আর পবিত্র আত্মা যিয়েনি চায় সিয়েনি আয়োজি অনার্ ফল অলঅ জিংকানি আর শান্তি।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

ইয়োব 37:7

পত্তি মান্‌জ্যরে তা কামত্তুন্ তে থামেই দে, যেনে বেক্ মানুচ্চুনে তা কাম পৌইদ্যেনে হবর্ পান।

ইয়োব 9:10

তে এমন্‌ মহত্‌ কাম্‌ গরে যিয়েনি বুঝো ন-যায় আর এন্‌ আমক্‌ আমক্‌ কাম্‌ গরে যিয়েনি গুণো ন-যায়।

ইয়োব 5:9

তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গীতসংহিতা 104:34

মর্ ধ্যান গরানা তাইদু মধুর ওক্; মুই লগেপ্রভুর লগে এগত্তর্ ওইনে ফুত্তি গুরিম।

ইয়োব 37:14

ইয়োব, তুই এ কধাগান শুন; থির্ ওইনে গোজেনর আমক্ অইদে কাম কধানি চিদে গর্।

গীতসংহিতা 118:15

গম্ মানুচ্চুনো ঘরত্ উদ্ধোরর হুজি রঅ শুনো যায়; লগেপ্রভুর খেমতাবলা আঢ্‌তানিয়ে দোল্ কাম গোজ্যে।