গীতসংহিতা 110:7 - Chakma Bible

⁷ তারারে লড়াদে লড়াদে পধত্ তে ছড়া পানি হেবঅ, সেক্কে দরমর ওইনে যেরেন্দি তে জিদিবো।

গীতসংহিতা 110:7 ပူးပေါင်းရင်းမြစ်များ

ইয়োব 21:20

তে নিজো চোগেদি নিজোর ভস্ত অনাগান্ দেগোক্‌; তে বেগত্তুন্‌ খেমতাবলা গোজেনর রাগ্‌কান্‌ হেই চোগ্‌।

গীতসংহিতা 102:9

তুই মরে লুঙি মারি ফেলেই দুয়োচ্; তর্ লবাদোস্যে আর রাগত্তে দুঘে যেন ছেই হেইনে মঅ দিনুন্ কাদের্; মঅ চোগো পানিগান হেবার পানি লগে মিজে যার্।

গীতসংহিতা 27:6

যিদুক্কুন্ শত্রুয়ে মরে ঘিরিনে ধোজ্যন্ তারাত্তুন্ বেশ্ সেক্কেনে মর্ সর্মানান্ বাড়িবো; মুই তা ঘরত্ হুজিয়ে রঅ ছাড়ি ছাড়ি নানান্ বাবোত্যে উৎসর্ব গুরিম; মুই লগেপ্রভুর নাঙে গীত্ গেম্ আর তার নাঙ্ গিনেদে গান গেম্।

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 52:31

যিহূদার রাজা যিহোয়াখীনর বন্দী অনার্ সাত্রিশ বজরত্ ইবিল-মরোদকে বাবিলোর্ রাজা অলঅ। তে সে বজরর্ বার মাজর্ পোজোস্ দিনোত্ যিহোয়াখীনরে জেলখানাত্তুন্ ইরি দিলো।

মথি লেখ্যে গম্ হবর্ 20:22

জোবত্ যীশু পুয়োগুনোরে কলঅ, “তুমি কি পুযোর্ গরর্ সিয়েন্ ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা?” তারা জোবত্ কলাক্, “পারিবোং।”

মথি লেখ্যে গম্ হবর্ 26:42

তে ফিরি যেইনে দ্বিবারত্ তবনা গুরিনে কলঅ, “ও বাহ্, মুই ন-গুজিলেয়ো যুনি এই দুঘোর্ গলচ্চো দূর্ ন-অয় সালে তঅ আওজ্‌চান পূরোণ্ ওক্।”

লূকে লেখ্যে গম্ হবর্ 24:26

এ দুঘ্ ভুগ্ গুরিনে কি মশীহর্ মহিমা লাভ গুরিবার্ কধা ন-এলঅ?”

যোহন 18:11

সেক্কে যীশু পিতররে কলঅ, “তঅ ছুরিগান্ খাবত্ থঅ। বাবা মরে যে দুঘোর্ গলচ্চো দিয়্যে সিবে কি মুই মানি ন-লোম্?”

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

বিচের গুরিয়্যেগুন 15:19

সেক্কে গোজেনে লিহীতোত্‌ এক্কো গাত্‌ খুলি দিলো আর সিবেত্তুন পানি নিগিলি এলঅ। সে পানিগান খানার পরেন্দি শিম্‌শোনর বলান্‌ ফিরি এলঅ আর তে যেনে পরাণান্‌ ফিরি পেলঅ। সেনত্তেই সে পয়নালাবোর্‌ নাঙান্‌ অলঅ ঐন্‌-হক্কোরী (যিয়েনর্ ভেদ্‌‌তান্ “তবনা গুরিয়্যেবোর পয়নালা”)। পয়নালাবো এজঅ্ লিহীতোত্‌ আঘে।