গীতসংহিতা 110:5 - Chakma Bible

⁵ প্রভু তঅ ডেন্ ডাগেন্দি আঘে; তার্ রাগ উদিলে তে রাজাগুনোরে শেজ্ গুরি ফেলেব।

গীতসংহিতা 110:5 ပူးပေါင်းရင်းမြစ်များ

গীতসংহিতা 109:20

মঅ বিপক্কগুনে, যিগুনে মঅ পৌইদ্যেনে বজং কধা কন্, তারা লগেপ্রভুত্তুন্ যেন এ ফল পান।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 16:8

মঅ চোখ্‌কুন আমিঝে লগেপ্রভু ইন্দি আগন্; তে মর্ ডেনেদি আঘে বিলি মুই থির্ থেম।

গীতসংহিতা 68:14

বেগত্তুন্ খেমতাবলা গোজেনে যেক্কে দেজ ভিদিরে রাজাগুনোরে ছিদি দিলো সেক্কে সলমোন মুড়োবো উগুরে বরফ পোজ্যে।”

গীতসংহিতা 68:30

তারার আন্যে রূবোর কট্টানি ঠেঙোই দুলিনে খাগাড়াবন ঝার্‌বো য়েমান ধোক্ক্যেন সেই মিসররে তুই ধমক্ দে; ধমক্ দে গোরু ছঅ আর বলদ দল ধোক্ক্যেন সেই জাদ্‌তুনোরে। যিদুক্কুন জাদে যুদ্ধো গম পান গোজেনে তারার দলুন্ ভাঙি দিয়্যে।

হবক্‌‌‌‌কূক 3:12

রাগে তুই পিত্‌থিমীর ভিদিরেদি উজেই গেলে আর বেজার্ ওইনে জাদ্‌তুনোরে টেঙোই মারিলে।

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”