গীতসংহিতা 110:4 - Chakma Bible

⁴ লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 110:4 ပူးပေါင်းရင်းမြစ်များ

পত্থম 14:18

শালেমর রাজা মল্কীষেদকে অব্রামত্তে পিদে আর আংগুর-রস আনিলো। তে এলদে দাঙর্ গোজেনর ধর্মগুরু।

গীতসংহিতা 132:11

লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

সখরিয় 6:13

অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

ইব্রীয় 5:6

সেধোক্ক্যেন গুরি গোজেনে আর এক জাগাত্ কোইয়্যেদে, তুই উমরত্যে মল্কীষেদক ধোক্ক্যেন ধর্মগুরু।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

ইব্রীয় 7:11

যিগুনে ধর্মগুরুর্ কাম গুরিদাক্ সেই লেবি গুট্টিগুনোর্ কামানি উগুরে ভর্ গুরিনে গোজেনে ইস্রায়েলীয়গুনোরে তার্ রীদি-সুদোমানি দিয়্যে। লেবি বংশর ধর্মগুরুগুনোর্ কামানিলোই যুনি পূরোগান লাভ গরা যেদঅ, সালে পত্তম লেবীয় ধর্মগুরু হারোণর্ বদলে মল্কীষেদক ধোক্ক্যেন অন্য আরেক্‌‌জন ধর্মগুরু এবার্ কি দরকার এলঅ?

ইব্রীয় 7:17

পবিত্র বোইবো এ সাক্ষ্যগান দে, তুই উমরত্যে মল্কীষেদক ধোক্ক্যেন ধর্মগুরু।

ইব্রীয় 7:21

মাত্তর্ তে যীশুরে দাঙর্ ধর্মগুরু বানেবার অক্তত্ শমক্ খিয়্যে। পবিত্র বোইবোত্ এ পৌইদ্যেনে লেগা আঘে, প্রভু শমক্ খিয়্যে, “তুই উমরত্যে ধর্মগুরু।” এ পৌইদ্যেনে তে তার্ মনান্ ন-বোদোলেব।

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।