22 মুই দুঘি আর নাদা মানুচ্; মুই মনত্ আঘাত্ পেইয়োং।
মাত্তর্ কর্মিল মুড়োবোত্ গোজেন মানুচ্চুনোর্ ইদু লুমিনে তে তার্ টেঙানি আজাবোদে ধুরিলো। গেহসি তারে সোরেই দিবাত্তে এলে গোজেন মানুচ্চো কলঅ, “তারে মানা ন-গোজ্য। তা মনত্ অমকদ দুখ্, মাত্তর্ লগেপ্রভু; মত্তুন্ সিয়েন্ লুগেই রাগেয়্যে, মরে নঅ-কয়।”
বেগত্তুন্ খেমতাবলা গোজেনর সেল্লো মইদু ফুট্যে, মঅ পরাণানে সিবের্ বিষছান্ খার্; গোজেনর দর্গরেপারা কামানিয়ে মঅ বিরুদ্ধে সুর্ বুদিনে থিয়্যেইয়্যে।
রোদ তেজে শুগে যেইয়্যে ঘাস ধোক্ক্যেন্ মঅ মনান্ শুগেই যেইয়্যে; মুই হেবাত্তেয়ো ভুলি যাঙ্।
তারা দোয়্যে গুরিবার কধা কনদিন্অ মনে ন-গরন্, তো দুঘী, নাঢা আর আজা নেইয়্যে মানুচ্চুনোরে মারে ফেলেবাত্তে অত্যেচার গুরিদাক্।
মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্জ্যে মরে ঈচ্ গুরিদাক্।
মন্দি ফির্ আর মঅ উগুরে দোয়্যে গর্, কিত্যে মুই গায় গায় আর বল্পোজ্যে।
মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।
ও লগেপ্রভু, মঅ কধাগান শুন আর মরে জোব্ দে, কিত্তেই মুই দুখি আর নাদা মানুচ্।
মান্জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্জ্যে তারে ঈচ্ গোজ্যন আর আমি তারে সর্মান ন-গুরিই।
যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্জ্য পুয়োবোর্ মাঢা থবার্ জাগা কনমিক্ক্যে নেই।”
মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।
“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।
তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।
