গীতসংহিতা 109:13 - Chakma Bible

¹³ তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 109:13 ပူးပေါင်းရင်းမြစ်များ

১ রাজাবলী 16:11

সিংহাসনত্‌ বুজিনে রাজাগিরির আরাম্ভত্‌ সিম্রি বাশার বংশর বেক্কুনোরে মারে ফেলেল। কুদুম্মো-সমাজ্যে কনঅ মরদরে তে বাঁজেই ন-রাগেল।

ইয়োব 18:17

পিত্‌থিমীত্তুন্‌ তা স্মৃতি উদি যেবঅ; দেজত্‌ তা নাঙান্‌ ন-থেবঅ।

ইয়োব 18:19

নিজো জাদ ভিদিরে তার্‌ কনঅ গুট্টি ন-থেবাক্‌; তে যিদু থেদঅ সাৎ সিয়েনত্‌ আর কনজন ন-থেবাক্।

গীতসংহিতা 21:10

পিত্‌‌থিমীর বুগোত্তুন্ তারার্ বংশধরুনোরে তুই ভস্ত গুরি ফেলেবে; ভস্ত গুরি দিবে তারার্ বংশবো মানেয় ভিদিরেত্তুন।

গীতসংহিতা 21:11

যুনিয়ো তারা তর্ বিরুদ্ধে শদানর্ কুজুরোমি আর ভান্ন্যেই চিন্তে গোজ্যন্, তো তারা সিয়েনিত্ ফোলেই ন-পারিবাক্;

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

গণাণা 27:4

মাত্তর্‌ সিয়েন্‌ অই বিলিনে কিত্তে আমা বাপ্পো নাঙান্‌ তা বংশত্তুন্‌ বাদ যেবঅ? বাবর্‌ বংশর্‌ মানুচ্চুনো সমারে আমা সোম্বোত্তির্‌ অধিকার্‌ দে।”

দ্বি’লম্বর বিররণ 25:19

তমার গোজেন লগেপ্রভু যে দেজ্‌ছান সোম্বোত্তি ইজেবে গজক্ গুরিবাত্তে তমারে দিবাত্তে যার্‌ সিয়েনত্‌ তমার চেরোকিত্তে শত্রুগুনো সমারে লাড়ে বাজানাত্তুন তে যেক্কে তমারে জিরেবাত্তে দিবো সেক্কে পিত্‌থিমী উগুরেত্তুন্‌ অমালেকীয়গুনোর চিহ্নোগান তমাত্তুন এক্কুবারে পুঝি ফেলা পুরিবো। এ কধাগান তুমি পুরি ন-ফেলেয়ো।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

দ্বি’লম্বর বিররণ 9:14

না, তুই মরে মানা ন-গুরিচ্‌; মুই তারারে ভস্ত গুরি ফেলেম্‌ আর পিত্‌থিমীত্তুন্‌ তারার্‌ নাঙানি তুলি ফেলেম্‌। সে পরেন্দি তর্‌ মাধ্যমে মুই আরঅ বোলী আর দাঙর্‌ এক্কো জাদর্‌ সৃট্টি গুরিম্‌।

১ শমূয়েল 3:13

মুই তারে কঙর্‌, অন্যেয়র কারণে তার বংশবোরে মুই উমরত্যে সাজা দিবাত্যে যাঙর্‌। তে কোই পারিদো, তার পূঅগুনে নিজো মাদাগুনোর অভিশাব ডাগি আন্যন্‌, অদচ তে তারার্ বুদুলিবার্ চেট্টা ন-গরে।