1 ও গোজেন মুই তর্ বাঈনী গরং; তুই জুরো গুরি ন-থেচ্।
তুয়ই মর্ গোজেন, মুই তরে ভালেদি জানেম্; তুয়ই মর্ গোজেন, মুই তরে বাঈনী গুরিম।
ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।
ও গোজেন, তুই জুরো গুরি বোই ন-থেচ্; ও গোজেন, তুই মুয়োন বানি ন-রাগেচ্, সাড়্ দিচ্।
চাহ্, কেজান্ গুরি তর্ শত্রুগুনে রঅ ছাড়দন্ আর যিগুনে তরে ঘিনান্ তারা বার্বো গুরিনে মাদাগুন উজু গোজ্যন্।
লগেপ্রভুই মর্ বল্, তেয়ই মর্ গীদ্; মর্ উদ্ধোরান্ তা ভিদিরে আঘে। লগেপ্রভুই মর্ গোজেন; মুই তাঁরই বাঈনী গরেদে-গীদ্ গেইম্। তে মর্ বাবার্ গোজেন; মুই তাঁর মহিমার্ গীদ্ গেইম্।
মুই লগেপ্রভু ভালোক্ দিন জুরো গুরি এলুং; মুই শান্ত থেইনে নিজোরে দোঙেই রাগেয়োং। মাত্তর্ ইক্কিনি পুয়ো পুদেয়্যে মিলে ধোক্ক্যেন মুই রঅ ছাড়ঙর্, নিজেস্ ফেলাঙর্ আর ফবাঙর্।
ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।
তেয়ই তমার্ বাঈনী, তেয়ই তমার্ গোজেন। তুমি নিজোর চোগেদি যেদক্কানি মহৎ আর দর্ জাগেয়্যে আমক্ কাম্ দেখ্য সিয়েনি তে তমাত্তে গোজ্যে।
