গীতসংহিতা 108:13 - Chakma Bible

¹³ গোজেনর বলে আমি জিদিবোং; আমা শত্রুগুনোরে তেয়ই টেঙন্দি উড়িবো।

গীতসংহিতা 108:13 ပူးပေါင်းရင်းမြစ်များ

২ বংশধর 20:12

ও আমার্‌ গোজেন, তুই কি তারারে বিচের্‌ ন-গুরিবে? এই যে দাঙর্‌ সৈন্যদল্লো আমারে আক্রমণ গুরিবাত্তে এজের্‌ তারা মুজুঙো-মুজুঙি অবার্‌ বলান্‌ আমার নেই। কি গরা পুরিবো সিয়েন্‌ আমি ন-জানিই, মাত্তর্‌ আমি বানা তইন্দি চেই আগিই।”

গীতসংহিতা 144:1

লগেপ্রভুর বাঈনী ওক্, তে মর্ আশ্রয়-মুড়ো; তে মঅ আঢ্‌তানরে যুদ্ধো গুরিবাত্তে শিগেয়্যে, মঅ আঙুলুনোরে লড়াই গুরিবাত্তে শিগেয়্যে।

গীতসংহিতা 18:42

বোইয়্যেরে উড়ে নেযেয়্যে ধূল্যা ধোক্ক্যেন্ মুই তারারে নিগুজ্ গোজ্যং, পদ পেক্কো-মাদি ধোক্ক্যেন্ তারারে ফেলেই দুয়োং।

গীতসংহিতা 60:12

গোজেনর বলে আমি জিদিবোং; আমা শত্রুগুনোরে তে টেঙোই মাড়িবো।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

বিচের গুরিয়্যেগুন 15:8

ইয়েন কোইনে তে জদবদে তারারে আক্রমণ গুরিলো আর বোউত্‌ মান্‌জ্যরে মারে ফেলেল। সে পরেন্দি তে যেইনে ঐটম মুড়োবোর ফাদাজাগানত্‌ থাহ্‌ ধুরিলো।