গীতসংহিতা 106:8 - Chakma Bible

⁸ তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 106:8 ပူးပေါင်းရင်းမြစ်များ

গীতসংহিতা 111:6

অন্য জাদর্ দেজ্‌ছানি তা মানুচ্চুনোরে দিইনে তে তার কামর খেমতাগান্ তারারে দেগেয়্যে।

গীতসংহিতা 143:11

ও লগেপ্রভু, তঅ নাঙান্ রোক্ক্যে গুরিবাত্তে মরে নুয়ো গুরি খেমতা দে; তর্ ধার্মিক্কান্দোই দজাত্তুন্ তুই মরে উদ্ধোর গর্।

গীতসংহিতা 23:3

তে মরে নুয়ো গুরিনে বল্ দে; তার্ নিজো নাঙান্ রোক্ষ্যে গুরিবাত্তে মরে ন্যায়র্ পধেদি চালায়।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

যাত্রা 18:8

লগেপ্রভু ইস্রায়েলীয়গুনোর্‌ পক্ষ ওইনে ফরৌণ আর মিসরীয়গুনো উগুরে যিয়েনি গোজ্যে সিয়েনি বেক্কানি মোশি তা শুয়োরবোরে জানেল। এজানার পদথ্‌ তারার্‌ দুগোর কধা আর কেধোক্ক্যেনগুরি গোজেনে তারারে উদ্ধোর্‌ গোজ্যে সেই বেক্‌ কধানিয়ো তে তারে জানেল।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিশাইয় 48:9

মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:22

মাত্তর্ মঅ আঢ্‌‌তান মুই সোরেই রাগেলুং আর মর্ সুনাঙান রোক্ষ্যে গুরিবাত্তে মুই সিয়েন ন-গরং যেনে যিদুক্কুন্ জাদ মুজুঙোত্ মুই তারারে নিগিলেই আন্যং তারা ইধু মর্ নাঙান অসিজি ন-অয়।

যিহিষ্কেল 20:44

ও ইস্রায়েলীয়গুন, মুই তমার ভান্ন্যেই আচার-বেবহার আর ভান্ন্যেই কাম মজিম্ তমা সমারে বেবহার ন-গুরিম, মাত্তর্ নিজো সুনাঙান্ রোক্ষ্যে গুরিবাত্তে তমা সমারে গম্ বেবহার গুরিম। সেক্কে তুমি হবর্ পেবা যে, মুয়ই লগেপ্রভু।’ মুই প্রভু লগেপ্রভু এ কধাগান কঙর্।”

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

যিহোশূয় 4:24

তে এ কামান্‌ গোজ্যেদে যেনে পিত্‌থিমীর বেক্‌ জাদ্‌তুনে জানি পারন্‌, লগেপ্রভুর আত্তান্‌ বোলী আর যেনে তুমি আমিজে তমা গোজেন লগেপ্রভুরে ভক্তিবলা দোরেইনে চলঅ‌।”

যিহোশূয় 7:9

কনানীয়গুনে আর এ দেজর্‌ অন্য মানুচ্চুনে এ কধানি শুনিবাক্‌ আর তারা আমারে ঘিরিবাক্‌ আহ্‌ দুনিয়ের্‌ বুগোত্তুন আমা নাঙানি বাদ দিবাক্‌। ইয়েনর্ পরেন্দি তুমি কিঙিরিনে তমার সুনাঙানি রোক্ষ্যে গুরিবা?”

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।