গীতসংহিতা 106:41 - Chakma Bible

⁴¹ তে অন্য জাদ্‌তুনো আদত্ তারারে তুলি দিলো; তারারে ঈচ্ গুরিয়্যেগুনে তারারে শাজন্ গরা ধুরিলাক্।

গীতসংহিতা 106:41 ပူးပေါင်းရင်းမြစ်များ

২ শমূয়েল 24:14

সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

যিহিষ্কেল 16:27

সেনত্তে মুই তঅ বিরুদ্ধে মঅ আঢ্‌তানি বাবেইনে তঅ সোম্বোত্তিগানি কোমেই দুয়োং। তঅ শত্রুগুনোর, অত্তাৎ পলেষ্টীয়গুনোর মিলেগুন, যিগুনে তর্ জঘন্য খাচ্চ্যদত্তে লাজ্ পেইয়োন মুই তারা আঢত্ তরে তুলি দুয়োং।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

দ্বি’লম্বর বিররণ 28:29

কান্‌ মান্‌জ্যে যেধোক্ক্যেনগুরি আন্ধারত্‌ বিজিরে বিজিরে বেড়ায় সেধোক্ক্যেন গুরিনে তুমি দিনোত্ বিজিরে বিজিরে বেড়েবা; তমার্‌ কনঅ কামত্‌ গম্‌ ন-অবঅ। তমা উগুরে আমিঝে অত্যেচার আর লুট চলিবো; সিয়েনত্তুন তমারে উদ্ধোর গুরিবাত্তে কনজনে উজেই ন-এবাক্।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

বিচের গুরিয়্যেগুন 15:11

সেক্কে যিহূদার তিন আজার মানুচ্‌ ঐটম মুড়োবোর সে ফাদাগানর ইদু যেইনে শিম্‌শোনরে কলাক্‌, “তুই কি হবর্‌ ন-পাচ্‌, পলেষ্টীয়গুনে আমারে শাসন গত্তন্‌? তুই আমা উগুরে ইয়েন কি গুরিলে?” জোবত্‌ শিম্‌শোনে কলঅ, “তারা মঅ উগুরে যিয়েনি গোজ্যন্‌ মুই তারা উগুরে বানা সিয়েনিই গোজ্যং।”

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 3:12

পরেদি লগেপ্রভুর চোগোত্‌ যিয়েনি ভাজ্‌ন্যেই ইস্রায়েলীয়গুনে আরঅ সিয়েনিই গরা ধুরিলাক্‌। সেনত্তেই লগেপ্রভু মোয়াবর রাজা ইগ্লোনরে ইস্রায়েলর বিরুদ্ধে বোলী গুরি তুলিলো।

বিচের গুরিয়্যেগুন 3:14

ইস্রায়েলীয়গুনে আদার বজর মোয়াবর রাজা ইগ্লোনর অধীনোত্‌ রলাক্‌।

বিচের গুরিয়্যেগুন 3:8

সেনত্তেই ইস্রায়েল উগুরে লগেপ্রভুর রাগ্‌কান জুলি উদিলো আর তে অরাম-নহরয়িমর রাজা কূশন-রিশিয়াথয়িমর আঢত্‌ তারারে তুলি দিলো। তারা আস্‌টো বছর সং তার্‌ অধীনোত্‌ তলে এলাক্‌।