গীতসংহিতা 104:34 - Chakma Bible

³⁴ মর্ ধ্যান গরানা তাইদু মধুর ওক্; মুই লগেপ্রভুর লগে এগত্তর্ ওইনে ফুত্তি গুরিম।

গীতসংহিতা 104:34 ပူးပေါင်းရင်းမြစ်များ

পত্থম 24:63

সিয়েনত্তুন্‌ ফিরি এইনে সেদিন্যে বেল্যেমাদান্ ধ্যান গুরিবাত্তে তে মাদত্‌ গেলঅ। সিয়েনত্‌ চোখ্ তুলি রিনি চাদে ন-চাদে তে দেগিলোদে কয়েক্কো উট্‌ এত্তন্‌।

গীতসংহিতা 1:2

বানা লগেপ্রভুর রীদি-সুদোমেই তার্ হুজি, আর সিয়েন তার্ দিনো-রেদোর্ ধ্যান।

গীতসংহিতা 105:3

তার পবিত্রতাগানর্ বাঈনী গরঅ; যিগুনে লগেপ্রভুরে গভিন্ গুরি জানিবাত্তে আওজি তারার মনানি হুজি ওক্।

গীতসংহিতা 119:111

তর্ কধানি মর্ উমরর্ সোম্বোত্তি; সিয়েনি মর্ মনর্ হুজি।

গীতসংহিতা 119:167

মুই তর্ বেক কধানি মানং আর সিয়েনি অমকদ গম্ পাং।

গীতসংহিতা 32:11

ও গোজেন ভক্ত মানুচ্চুন, লগেপ্রভু যেনে তমার্ ফুত্তির্ বিষয় অয়, তারে নিনেই তুমি হুজি অ; তুমি যিগুনে মনদি সোলিড্, তুমি বেক্কুনে হুজির্-গীদ্ গঅ।

গীতসংহিতা 35:9

সেক্কে লগেপ্রভুরে নিইনে মুই ফুত্তি গুরিম; তার্ দিয়্যে উদ্ধোরে মুই ফুত্তি গুরিম।

গীতসংহিতা 77:12

তর্ বেক কামানির পৌইদ্যেনে মুই ধ্যান গুরিম; তর্ বেক কামানির কধা ভাবি চেম্।

গীতসংহিতা 9:2

তরে নিইনে মুই হুজি থেম্ আর ফুত্তি গুরিম। ও দাঙর্ গোজেন, মুই তর্ নাঙ্ গিনেদে গান গেইম্।

গম্ উপদেজ্ 24:14

ইয়েন হবর্ পেবে, জ্ঞানান্ তঅ রিবেঙানত্তে মধু ধোক্ক্যেন্ মিদে; যুনি তুই জ্ঞান পাচ্ সালে তর্ ভবিচ্চদর আজা আঘে, আর তঅ আজাগান ভাঙি দিয়্যে ন-অবঅ।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

ফগদাং পেইয়্যে 10:10

সেক্কে স্বর্গদূত্‌তো আঢত্তুন্ মুই সেই চিগোন বোইবো লোইনে হেই ফেলেলুং। মঅ মুয়োনত্ সিবে মধু ধোক্ক্যেন মিধে লাগিলো, মাত্তর্ হেই ফেলানার্ পরেদি মঅ পেট্‌তো তিদে ওই গেলঅ।