গীতসংহিতা 103:6 - Chakma Bible

⁶ লগেপ্রভু যগাজ্যে কাম গরে; তে গমেডালে অত্যেচারিগুনোর বিচের গরে।

গীতসংহিতা 103:6 ပူးပေါင်းရင်းမြစ်များ

গীতসংহিতা 109:31

কিত্তে তে নাদা মানুচ্চুনোর কায়কুরে থেদঅ, যেন অন্যেয় বিচের রায়ত্তুন্ তা পরাণান্ রোক্ক্যে গুরি পারে।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 146:7

তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 72:12

যিদুক্কুন নাঢা মানুচ্, অত্যেচার ওইয়্যে আর অসহায় মানুচ্ সাহায্যত্তে কানদন্ তারারে তে উদ্ধোর গুরিবো।

গীতসংহিতা 72:4

তা রেজ্যর অত্যেচারগুরিয়্যে মানুচ্চুনো উগুরে তে ন্যায়বিচের গোরোক্; নাদা মানুচ্চুনোরে বাঁজা আর অত্যেচারগুরিয়্যেগুনোরে বিঝেই ফেলা।

গীতসংহিতা 9:9

যিগুনে অত্যেচারত্ পড়ি আগন্ লগেপ্রভু যেন তারার্ আশ্রয় অয় আর দুঘোত্ ঘর ধোক্ক্যেন অয়।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 23:10

দুযিগানর পুরোনা চিহ্নো-পাত্তর্ তুই সোরেই ন-দিচ্ বা বাপ্‌-মা নেইয়্যেগুনোর ভূইয়ানি গজক্ ন-গুরিচ্,

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

লূকে লেখ্যে গম্ হবর্ 14:22

ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?