গীতসংহিতা 103:4 - Chakma Bible

⁴ তে মরণ জাগাত্তুন্ তঅ জিংকানিগান উদ্ধোর্ গরে; তে তরে অমকদ কোচ্‌পানালোই আর মেয়্যেলোই ঘিরি রাগায়।

গীতসংহিতা 103:4 ပူးပေါင်းရင်းမြစ်များ

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 21:3

ভালেদির্ বোউত্ আশিদ্‌বাদ নিইনে তুই তারে আগ্‌বাড়েই আনিবাত্তে যেইয়োচ্, তা মাঢাবোত্ দুয়োচ্ খাটি সনার মুকুট।

গীতসংহিতা 34:22

লগেপ্রভু তার্ চাগরুনোরে উদ্ধোর্ গরে; যিগুনে তাইদু আশ্রয় নেযান্ তারা কনজনে সাজা ন-পেবাক্।

গীতসংহিতা 5:12

ও লগেপ্রভু, যিগুনে তর্ ভক্ত তারা উগুরে হামাক্কাই তর্ আশিদ্‌বাদ আঘে; তঅ দোয়্যেলোই তুই তারারে ঢাল ধোক্ক্যেন্ গুরি ঘিরি রাগেয়োচ্।

গীতসংহিতা 56:13

কিত্তেই মরণত্তুন তুই মঅ পরাণান রোক্ক্যে গোজ্যস্ আর পড়ানাত্তুন্ মরে বাজেয়োচ্, যেনে জিংকানির পহ্‌রলোই মুই গোজেন মুজুঙোত্ আঢা-উদো গুরি পারং।

গীতসংহিতা 65:11

তুই বজরবোরে বোউত্ বর্ দিইনে ভালেদি গোজ্যস্; তর্ চলিবার পদথ্ বোউত্ আশিদ্‌বাদ ঝুড়ি পড়ে।

গীতসংহিতা 71:23

মুই যেক্কেনে তর্ নাং গিনেদে-গান গেম্ মর্ মুয়োনে সেক্কে রঅ ছাড়িনে রঙ্গ-ফুত্তি গুরিবো; মর্ মনানে তর্ নাং গিনেদে-গান গেবঅ, কিত্তেই তুই মরে উদ্ধোর্ গোজ্যস্।

গীতসংহিতা 8:5

তুই মান্‌‌জ্যরে স্বর্গ দূত্‌তুনোত্তুন্ এক্কেনা তলেন্দি বানেয়োচ্; রাজমুকুট ইজেবে তুই তারে দান গোজ্যস্ বাঈনী আর সর্মান।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 54:8

রাগে কানক্কনত্তে তত্তুন্ মুই মুয়োন ফিরেয়োং, মাত্তর্ উমর কোচ্‌পানালোই মুই তঅ উগুরে মেয়্যে গুরিম। মুই তর্ উদ্ধোর গুরিয়্যে লগেপ্রভু এ কধাগান কঙর্। ‍

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।