গীতসংহিতা 103:22 - Chakma Bible

²² ও লগেপ্রভুর রেজ্যগানির বেক জাগায়ানিত্ তার বানেয়্যে বেক্কানি, তুমি তার বাঈনী গরঅ; ও মর্ পরাণান, লগেপ্রভুর বাঈনী গর্।

গীতসংহিতা 103:22 ပူးပေါင်းရင်းမြစ်များ

গীতসংহিতা 103:1

ও মর্ পরাণান্, লগেপ্রভুর বাঈনী গর্; ও মর্ মনান, তা পবিত্রতাগানর বাঈনী গর্।

গীতসংহিতা 104:1

ও মর্ পরাণান, লগেপ্রভুর বাঈনী গর্; ও লগেপ্রভু, মর্ গোজেন, তুই কত্তমান্ দাঙর্! তুই বাঈনী আর মহিমার সাজে সাজি আগচ্।

গীতসংহিতা 104:35

পিত্‌থিমীর বুগোত্তুন্ পাপিগুনে উদি যাদোক্; পাজি মানুচ্চুনে বেক্কুনে শেজ্ ওই যাদোক্। ও মর্ পরাণান, লগেপ্রভুর বাঈনী গর্; লগেপ্রভুরে নাঙ্ গিনো।

গীতসংহিতা 145:10

ও লগেপ্রভু, তুই যিয়েনি বানেয়োচ্ বেক্কানিত্যে তরে ভালেদি জানেবাক্; তর্ ভক্তগুনে তরে বাঈনী গুরিবাক্।

গীতসংহিতা 145:21

মঅ মুয়োনে লগেপ্রভুর গুণগান গুরিবো; বেক্ প্রাণীগুনে যুগ যুগ ধুরিনে লগেপ্রভুর পবিত্রতাগান নাঙ্ গিনিবাক্।

গীতসংহিতা 146:1

লগেপ্রভুরে নাঙ্ গিনে ওক্। ও মর্ পরাণান্, লগেপ্রভুরে বাঈনী গর্।

গীতসংহিতা 148:1

লগেপ্রভুরে নাঙ্ গিনে ওক্। স্বর্গত্তুন তুমি লগেপ্রভুরে নাঙ্ গিনো; আগাজত্ আর দেবাবো ইদু তারে নাঙ্ গিনো।

গীতসংহিতা 150:6

নিজেস্ ফেলেয়্যে বেক্ প্রাণিগুন লগেপ্রভুরে নাঙ্ গিনোদোক্। লগেপ্রভুরে নাঙ্ গিনো।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।