গীতসংহিতা 103:10 - Chakma Bible

¹⁰ আমা পাপর্ সাজা যেত্তমান্ আমার পাওনা সেত্তমান্ তে আমারে ন-দে; আমা অন্যেয় মজিম অ সাজা ন-দে।

গীতসংহিতা 103:10 ပူးပေါင်းရင်းမြစ်များ

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

নহিমিয় 9:31

মাত্তর্‌ তর্‌ অমকদ দোয়্যের্‌ কারনে তুই তারারে শেজ্‌ গুরি ন-দুয়োচ্‌ বা ছাড়ি ন-যাজ্‌, কিত্যে তুই দোয়্যে-মেয়্যেবলা গোজেন্‌।

ইয়োব 11:6

আর জ্ঞানর্‌ গুমুরো বেপারানি তরে হবর্‌ দুয়োন্‌, কিয়া জ্ঞানর্‌ বোউত্‌ পধ আঘে। ইয়েন্‌ ইদোত্‌ রাগা, তঅ পাপ মজিম্ গোজেনে তরে সাজা নঅ-দে।

ইয়োব 33:27

তে সেক্কেনে মান্‌জ্য ইদু এইনে কবঅ, মুই পাপ গোজ্যং আর যিয়েন ঠিগ্ সিয়েনর্ উগুদো গোজ্যং, মাত্তর্ মর্ পাইদে সাজাগান্ মুই ন-পাং।

গীতসংহিতা 130:3

ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?

আবিলেচ্ 3:22

লগেপ্রভুর অমকদ কোচ্‌পানাত্তে আমি ভস্ত ন-ওর্, কিত্তে তার্ মেয়্যেগান কনদিন্‌অ শেজ্ ন-অয়;

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।