গীতসংহিতা 10:17 - Chakma Bible

¹⁷ ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 10:17 ပူးပေါင်းရင်းမြစ်များ

১ বংশধর 29:18

ও লগেপ্রভু, আমা পূরোণি মানুচ্‌ অব্রাহাম, ইসহাক আর ইস্রায়েল গোজেন, তঅ মানুচ্চুনো মনত্‌ এধোক্ক্যেন আওজ্ তুই জিংকানিবর্‌ রাগেচ্‌ আর তঅ উগুরে তারা মনানি বিশ্বেজ্ রাগেচ্‌।

২ বংশধর 29:36

গোজেনে তা মানুচ্চুনোত্তে এ বেক্‌ কামানি খুব্‌ যাদিমাদি গোজ্যে বিলিনে হিষ্কিয় আর বেক্‌ মানুচ্চুনে রঙ্গ-ফুত্তি গুরিলাক্‌।

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 145:19

যিগুনে তারে ভোক্তিগুরিনে দরান্ তারার মন আওজ্‌চানি তে পুরেই দে; সাহায্যত্তে তারার কানানিগানি শুনিনে তে তারারে রোক্ক্যে গরে।

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

গীতসংহিতা 9:18

নাদা মানুচ্চুনোরে উমরত্তে ভুলি গেলে ন-অবঅ; তারার্ আজানি কনদিন্‌‌অ পূরোণ ন-থেবঅ।

গম্ উপদেজ্ 10:24

পাজি মানুচ্চুনে যিয়েনি দরান্ সিয়েনি তারা উগুরে ঘুদিবো, মাত্তর্ গোজেন ভক্তগুনোর্ আওজ্‌চানি পুরেই দিয়্যে অবঅ।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 16:1

মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

রোমীয় 8:26

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইফিষীয় 3:12

খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 3:12

যিগুনে ন্যায়র্ পধেদি চলন্ তারা উগুরে প্রভুর চোগ আঘে, তারার্ তবনাগানি শুনিবাত্যে তা কানান্ পাদি আঘে; মাত্তর্ যিগুনে ভান্ন্যেই কাম গরন্, প্রভু তারার্ বিরুদ্ধে যায়।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”