গীতসংহিতা 1:6 - Chakma Bible

⁶ কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 1:6 ပူးပေါင်းရင်းမြစ်များ

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 112:10

পাজি মানুচ্চুনে সিয়েনি দেগিনে লবাদোস্যে পেবাক্; তে দাত্ কামেরেব আর শেজ্ ওই যেবঅ। পাজিগুনোর আজা-ভরশা ন-ফলিবো।

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 146:9

লগেপ্রভু বিদেশীগুনো উগুরে চোগ্ রাগায় বাপ মা নেইয়্যে আরে রানিমিলেগুনোরে দেগাশুনো গরে, মাত্তর্ পাজি মানুচ্চুনোর পথ্‌তানি তে বেঙা গরে।

গীতসংহিতা 9:6

শত্রুগুনে উমরত্যে ভস্ত অনার্ মুয়োত্ পোজ্যন্; তারার্ শঅরানি তুই উগুরেনে ফেলেই দুয়োচ্; তারার্ নাঙানিয়ো বাদ্ যেয়েগোই।

গম্ উপদেজ্ 14:12

এক্কান পথ আঘে যিয়েন মান্‌জ্য চোগেদি ঠিগ্ মনে অয়, মাত্তর্ সে পথ্‌তানর শেজদি থায় মরণ।

গম্ উপদেজ্ 15:9

লগেপ্রভু পাজিগুনোর পথ্‌তানি ঘিনেই, মাত্তর্ যিগুনে গম্ কাম গুরিবাত্তে উজেই যান্ তারারে তে কোচ্‌পায়।

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

মথি লেখ্যে গম্ হবর্ 7:13

চিবেচিপ্প্যে গেদো ইন্দি সমঅ, কিয়া যে পথ্‌তানে ভস্ত অইদ্যে ইন্দি নেযায় সিয়েনর দোরান্অ দাঙর্ আর পথ্‌তান অযার। বোউত্ মানুচ্ সিয়েনদি সমন।

যোহন 10:14

“মুয়ই আজল্ ভেড়া গরক্। বাবা যেবাবোত্যে মরে হবর্ পায় আর মুই বাবারে চিনোং সেবাবোত্যেগুরি মুইয়ো মঅ ভেড়াগুনোরে চিনোং আর তারায়ো মরে চিনোন্। মুই মঅ ভেড়াগুনোত্যে মঅ পরাণান্ দুয়োঙর্।

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

২ পিতর 2:12

মাত্তর্ যে বুদ্ধিনেইয়্যে য়েমানুনে তারার্ স্বাভাবিক আওজর্ অধীন আর মারে ফেলেবাত্যে যিগুনোর্ জর্ম, এই ফক্কর্ মাষ্টরুনে তারা ধোক্ক্যেন। তারা যিয়েন ন-বুঝোন সে পৌইদ্যেনে ভান্ন্যেই কধা কন্। নিজো কাজর ভিদিরে তারা ভস্ত ওই যেবাক্।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।