গম্ উপদেজ্ 9:4 - Chakma Bible

⁴ “ভুল্ মানুচ্চুন ইদু এজোদোক।” যিগুনোর বুদ্ধি নেই তারারে তে কয়,

গম্ উপদেজ্ 9:4 ပူးပေါင်းရင်းမြစ်များ

গীতসংহিতা 119:130

তঅ কধানি ফগদাং অলে সিয়েনিয়ে পহ্‌‌র্ ফুদেই দে; সিয়েনিয়ে সিদেসিদি মানুচ্চুনোরে বুঝিবার খেমতা দে।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

গম্ উপদেজ্ 6:32

যে সিনেলী গরে তার বুদ্ধির অভাব আঘে; তে সিয়েনি গুরিনে নিজোরে ভস্ত গরে।

গম্ উপদেজ্ 7:7

ভুল্ মানুচ্চুনো ভিদিরে মুই রিনি চেলুং, গাবুজ্যেগুনো ভিদিরে মুই এন এক্কো গাবুজ্যেরে খিয়েল্ গুরিলুং যিবের্ বুদ্ধির অভাব এলঅ।

গম্ উপদেজ্ 8:5

ভুল্ মানুচ্চুন, চালাগ্ অবাত্তে বুদ্ধি গরঅ; জ্ঞাননেইয়্যে মানুচ্চুন্, বিচেরবুদ্ধি শিগো।

গম্ উপদেজ্ 9:16

“ভুল্ মানুচ্চুনে ইদু এজোদোক্।” যিগুনোর বুদ্ধি নেই তারারে তে কয়,

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।