গম্ উপদেজ্ 8:35 - Chakma Bible

³⁵ কিত্তে যে মরে পায় তে জিংকানি পায় আর লগেপ্রভুত্তুন্ দোয়্যে পায়।

গম্ উপদেজ্ 8:35 ပူးပေါင်းရင်းမြစ်များ

গম্ উপদেজ্ 1:33

মাত্তর্ যিগুনে মঅ কধাগান শুনোন্ তারা গমেডালে বজত্তি গুরিবাক্; তারা সুগে-শান্দিয়্যে থেবাক্, অমংগলরে ন-দোরেবাক্।”

গম্ উপদেজ্ 12:2

গম্ মান্‌জ্যে লগেপ্রভু ইত্তুন্ দোয়্যে পায়, মাত্তর্ যে কুজুরোমি গরে লগেপ্রভু তারে দুষি বিলিনে ঠিগ্ গরে।

গম্ উপদেজ্ 18:22

যে মানুচ্চো মোগ্ পায় তে বর্ পায় আর লগেপ্রভুত্তুন্ দোয়্যে পায়।

গম্ উপদেজ্ 3:22

তত্তে সিয়েন অবঅ জিংকানি, তঅ গত্তনাবোত্তে সিয়েন অবঅ দোল্ নেগেলেচ্ ধোক্ক্যেন্।

গম্ উপদেজ্ 3:4

সিয়েনি গুরিলে গোজেন আর মান্‌জ্য মুজুঙোত্ তুই দোয়্যে আর সুনাঙ্ পেবে।

গম্ উপদেজ্ 4:13

উপদেজ্‌ছানি মনত্ রাগেচ্, ভুলি ন-যেচ্; সিয়েন রোক্ষ্যে গর্, কিত্তে সিয়েনই তর্ জিংকানি।

গম্ উপদেজ্ 4:22

যিগুনে এবাবোত্যে গরন্ তারাত্তে সিয়েনি অয় জিংকানি, সিয়েনিয়ে তারারে পক্তামক্তা গরে।

গম্ উপদেজ্ 9:6

তুই ভুল্ মানুচ্চুনো লগে মিজেনা বাদ দে, সেক্কে তুই বাঁজিবে; তুই বিচেরবুদ্ধির্ পধেদি আঢাউদো গর্।”

উপদেশক 7:12

টেঙা-পোইজ্যে ধোক্ক্যেন্ জ্ঞানানে রোক্ষ্যে গরে, মাত্তর্ জ্ঞানর্ সুবিধেগান্ অলঅ ইয়েন্, জ্ঞানী মান্‌জ্যর্ জ্ঞানানে তা জিংকানিগান্ রোক্ষ্যে গরে।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।